موضوع للنقاش

موضوع عجبنى قولت ممكن نتناقش فيه
الحب انواع مختلفة ومتنوعة

ماهو أصعب انواعه برأيك
هل ؟؟؟
هو الحب من طرف واحد؟
أم حب متبادل ولكن كل واحد منهم من بيئة ومستوى مختلف؟
أم حب متبادل ولكنه مرفوض من قبل الأهل؟
أو الظروف صعبة جدا وغير مناسبة
أم .......................

بالنسبة لك
ماهو اصعب أنواع الحب برأيك؟؟
ياريت اسمع ارائكم[center][i]

انا رايي انهم كلهم صعبين
بس الاصعب بجد
هوه الحب من طرف واحد
بيدمر الانسان
لانه بيوقف حياته علي شخص هوه مش حاسس بيه ولا فارق مع وجوده

بحب الجمله اللي بتقول ان العذاب غريزه مرتبطه بالحب
وفي النهايه برده بقول انهم كلهم صعبين

مرسي على ردك ده بجد يا نور
وكلهم فعلا صعبين

مرسي على مرورك يا مطرقعه

كلهم صعبين بس الحب من طرف واحد صعب جداااااا


تسلم ايدك

اكييييييد كلهم اصعب من بعض

وكل واحده وليها سبب

بس بالنسبالي اصعب حاجه الحب من طرف واحد
لان لما الانسان بيحب حد والحد دا مش حاسس بيه ويمكن يكون ميعرفوش اصلا
والاصعب لما يكون الحد دا بيحب حد تاني والحد التاني بيحب حد تالت

ويقضوها كدا

المهم
انك تكوني متعلقه بحد مش حاسس بيكي ومش قادره تنسي دا بيكون اصعب حاجه

اكيد محدش فاهم حاجه

التوبيك جميل جدااا
وفعلا كلهم اصعب من بعض بس من وجهة نظرى الحب من طرف واحد
لانه فعلا بيوجع خاصه لو كان الطرف التانى اصلا مش عارف بوجودك
وممكن يدمر حياتك انك تستنى انه يحس بيك
وتسلمى على الموضوع

الحقيقة كلهم اصعب من بعض والاختيار صعب اوووووووووووووووووى لان كلهم نهايتهم عذاب وألم وجرح بيستمر العمر كله وما بيتنسيش .........

الحب من طرف واحد دا بيدمر الانسان وفعلا بيوقف حياتة لو ما قدرش يخرج من الاحساس ده بسرعة

وانا برده شايفه انه اصعبهم
لان الباقى ممكن يتغلبوا على الظروف الصعبة
ودى تبقى حاجة فى ايديهم

مرسي لمروركوا كلكوا
والردود على الموضوع ده

أنا رليا رأى مخالف الصراحة
الصعب أوى أوى هو إن حد يدخل الموضوع دا أصلا
بيتهيألى ملهوش مجال فى السن دا و كمان إحنا فكلية صعبة عاوزة تركيز و كمان الصبيان بصراحة كتير بيتظلموا
و إحنا البنات بنحاول نتمادى أوى لما الولد يكون له سبب إنه يسيب بنحب نعيش ضور المجروحين مع إنه كدا عمل الصح و حمانا و حما سمعتنا
يبنات بجد الحب دا مجرد مراهقة لازم بس نعقل شوية و بعدين ربنا يسهل و كل واحدة نصيبها هيجيلها
معلش طولت بس تقبلوا مرورى

على فكرة يا أيويا أولا ميرسى على ترحيبك بيا
ثانيا أقلك بأة
الولد عمره ما بيحب تانى
بس أقلك على حاجة
هو الولد ممكن ينسى بسرعة وتلاقى حياته بقت طبيعية و مبسوط ولا كأن حصله حاجة
إنما يحب تانى دى مستحيلة
المشكلة بردو فينا إحنا البنات لما نشوف واحدة صحبتنا كانت بتحب واحد و كان بيحبها و سابوا بعض
بغض النظر بأة مين اللى غلط هو و لا هى
و لما نلاقى حد فيهم حياته إستقرت و بأة مبسوط تانى
بنأعد نكلم و نقول دا بيحب تانى جديد فلانة أو فلانة
دى مشكلتنا إن إحنا بنات بتوع كلام
عارفة
أنا هقلك
أنا كنت بحب واحد بجد
و بعدين هو مكنش عاوز يسبنى
هو فهمنى إن الموضوع غلط من الأول للآخر
لأنه عيب و حرام و الدليل على كدا إنه فى السر و الدين قال كدا
إحترمته جدا و دلوإتى إحنا زمايل و دا أجمل بكتير
لما زميلاتى لقوه مبسوط
قالوا دا بيحب جديد أنا معتبتهمش لأن هى دى طبيعة البنات مورهمش غير الكلام قليل مننا اللى عاقل و رزين كدا
أنا داخلة الموضوع دا و الله علشان أنصحكم
إن الحب له أصوله
و له وقته
إنما إحنا مراهقين و دا مش وقته خالص
و أعتقد أنا سمعت عن حكاية فى الكلية كانت فنظرالكل هتكمل و الولد عقل فجأة و سابه من المراهقة
و تعب شوي بعد الموضوع و جه فيوم مبسوط جدا الكل قال عليه بيحب جيد حتى اللى كان بيحبها دى طبيعتنا و و الله الولد دا أنا سمعته بيقول لصحبه الدنيا حلوة من غير بنات و الواحد بينبسط لما يقرب من ربنا و قاله يا ريت هى كمان تكون كدا علشان متعش زعلانة
معلش إنى طولت أوى
بس يارب تفهموا وجهة نظرى

امممممممممم مش كله كدا
يمكن في ولد دا الباقي مش كدا صدقيني والله
مش عارفه حسه انك بتكلمي عن ملايكه
لا طبعا يمكن انتي قولتي دي تجربه والله اعلم بيه
بس انا اعرف ناس
والله يبنتي مكملو شهر وحبو تاني لان من الآخر بالنسبالهم كانت تسليه مش اكتر
انا فهمه وجهه نظرك انه مراهقه دلوقتي وكدا
ومعاكي جدا فيها
بس دا مش يمنع ان في ناس بتنجح في الحب دا وبيقدرو يكملو
ياريت تتقبلي وجهه نظري

عارفة يا أيويا أوحش حاجة الظن بالسوء فحد و بجد أنا و الله العظيم سمعت شلة بنات معينة بيتهموا واحد ساب واحدة و ممكن يكون هو اللى باع إنه هو حب واحدة تانية و الواحدة دى أساسا مرتبطة بس كانت زميلته مش أكتر و أنا عارفة واحدة تانية علشان واحد سابها نصبت عليه على الميل و عملت إنها بتحبه و سدإيني لو مين من الرجالة هيقع بس هى اللى مش محترمة إنها تعمل فيه كدا
ليه بأة من الأول نعمل كدا فنفسنا و نرخص نفسنا لأى ولد علشان قلنا كلمة حلوة سدإيني الإعتزاز بالذات أحلى كتير و اللى صبيان يعملوه براحتهم بس نطلع عندنا دم و محترمين و منجبش سيرتهم بالوحش
و يا ريت تتقبلى وجهة نظرى و تفهميني

فلوسمجت انا بعد اذن ايه طبعا
ممكن اعرف مين حضرتك
او حضرتك لانك شكلك بتتكلمى فى موضوع انا عارفاه وده مش منتدى شخصي ده منتدى عام
ممكن اعرف انت ميييييييييين ؟

عاوزه اقول لحضرتك حاجه
لو مش عاجبك القسم ده فى المنتدى
او مش عاجبك الموضوع
معتقدش ان فى حد اجبرك على الدخول فيه وفى فالمنتدى اقسام تانيه ممكن تدخليها

بس بس إيه دا
هو مش الموضوع دا لوجهات النظر و لا إيه
عامة لو حضرتك مش مرحبة بيا
أ،ا مش داخلة تانى
و شكرا على حسن الإستضافة

حضرتك اتكلمتى فى موضوع خاص وانا
بقول ان ده موضوع عام
وطلبت اعرف مييين حضرتك يعنى نتعرف مش اكتر
sorry
لو كلامى ضايقك
ممكن نتعرف
لو مش عاوزه
it's okay

شوفى يا calabala
أنا و الله ما فاهمة إنتى قصدك إيه و دخلتى شمال كدا ليه
بس عامة أنا مش حابة أتعرف
أنا داخلة الموضوع ووجهة نظرى واضحة بس أنا هجيبلك من الآخر لو كل واحدة هتاخد الكلام على نفسها أو على صحبتها يبأة بلاش كلام أحسن
و أنا آسفة إذا كان كلامى جرح حد فيكم يظهر إنى دست على جرح و أنا مش واخدة بالى

ok
i know u
thanks
bad night

أعتقد بعتلك رسالة خاصة و عرفتك أنا مين
كويس إنك عارفانى الوقتى
قريب هنتقابل بإذن الله
بس على فكرة أنا مش فاهمة ى حاجة فى أى حاجة
بس عامة متزعليش نفسك أوى كدا و حقكم إنتوا الإتنين على دماغى من فوق
أنا كنت متخيلة إن بنات صيدلة دماغهم أكبر من كدا

هاي يا بنات اخباركوا ايه
اولا مبروك ع المنتدى الجميل ده واحسن حاجه ان كله بنات
ثاني حاجه
موضوع المناقشه اللي انتوا بتتكلموا فيه
مش محتاج الزعل ده كله وبعدين حاجه زي كده واضحه
بمجرد ان البنت تحب اصلا مش بتشوف في حياتها غير اللي هي بتحبه
بيبعدها عن اهلها وبيبعدها عن ربنا وعن كل حاجه كانت حلوه في حياتها
وبعد كده ترجع تندم على حياتها اللي فاتت
طيب وليه من الاول ما كانت مرتاحه وعايشه مبسوطه وبالها مرتاح
فيها ايه لما تعرف ان كل حاجه لها وقتها وان سننا ده مش للحب دلوقتي
ليه تخسر كل حاجه علشان تحب تخسر قربها من ربنا واهلها وتخسر تركيزها في مزاكرتها
كل واحده لازم تعرف ان نصيبها هيجيلها ولو واحد بيحبها بجد هيروح على طول لاهلها مش لازم يعمل الحوارات دي وطبعا كله في الاخر مهما كانوا بيحبوا بعض بيسيبوا بعض وبيرجعوا لعقلهم
ياريت تتقبلوا وجهه نظري
واسفه لو طولت

طيب يا أيويا إيه رأيك إن أنا مش فاهمة كالابالا كانت تقصد إيه و الله أنا مجرد بتناقش بس ماشى
أنا هتعرف
الميل أعتقد معاكى
ضيفينى
و نكلم
سلام

مرسي على مرورك ومشاركتك
واهلا بيكى

انا عن نفسى شايفة ان اصعب حاجة فى الحب
انه يكون متبادل وكل حاجة بس الطرفين ميكونوش عندهم الجراة عشان يصارحوا بعض بيه او يكون فى ظروف هى اللى منعتهم من كده

وده اصعب حاجة لان كل واحد مستنى التانى يلمح
وحتى لما بيحصل التلميح بتكون البنت مستنياه ياخد خطوة جدية عشان متبنش انها كانت هتموت عليه
وسعات ده ميكونش ف الوقت المناسب يعنى هو ممكن ميكونش مستعد
جملة اخيرة عايزة اوضحها لبطوطا

ان الحب مش عيب ولا حرام بس المهم يكون جدى وميكنش فى السر عشان الكلام الكتير

وانا معااااااااااااااااااكى جداااااااااااا فى ان الارتباط فى السن ده معظمه بيفشل

مش بس الارتباط العاطفى بس لكن حتى الارتباط الرسمى

وانا ليا اكتر من حد من اصحابى كانوا مخطوبين وفشكلوا لان عقلنا لسه منضجش للدرجة اللى تخلينا نقدر نتحمل انسان تانى بكل عيوبه وامتيازاته والاهم ظروف الحياة

على فرة يا اية توبيك جااااااااااااامد اخر حاجة