عدد المساهمات : 476 نقاط النشاط : 5853 تاريخ التسجيل : 30/03/2009 العمر : 33
موضوع: اسكتو !!!!مش طلع كان عندنا مصاصين دماء الإثنين يونيو 22, 2009 7:49 pm
من كام يوم قلت اهدى نفسى شويه واتفرج على التليفزيون جبت فيلم على mbc2 وقلت اتفرج ومن حظى باه طلع عن مصاصين الدماء ال ايه بهدى اعصابى ماعلينا...الفيلم ياجماعه كان فيه مصاص دماء اسمه(ماريوس)وجد نفسه لوحده فى الحياه فقرر انه يختار ضحيه ويعضه ويكونوا سوى فى الحياه الابديه المهم اختار(ستاليت)وتفوق ستاليت على سيده واكتشف عنده فى بدروم تمثالين لملك وملكه(معلش اصبروا)سأل ستاليت ايه قصه التمثالين دول؟؟؟؟
رد ماريوس::
---- دول ملك وملكه مصاصى دماء العالم واللى كانو بيحكموا فى مصر(اه والله زى مبحكلكوا كده)وكان الملك بيمص دم الشعب المصرى وفجأه زهق وقرر انه مش عاوز يمص دم الشعب تانى...
(اكاشا) دى كانت الملكه قررت انها مش هتقدر تستمر فى مص دم الشعب من غير الملك وعشان كده دخلوا فى نوم عميق....
اه والله زى مبحكلكوا كده دى كانت قصه الفيلم ماعلينا بأه من الاحداث واللى حصل ده اللى لفت نظرى... فكرت والجنونه زنت وسرحت بيا واكتشفت:
تصدقوا الشعب المصرى ده غلباااان اوى حتى مصاصين الدماء كانو بيمصوا دمه من الاف القرون ولحد دلوقتى مفيش حاجه اتغيرت
لا وايه ملك وملكه مصاصى دماء العالم حكموا مصر.....شعب محظوظ محظوظ
طب سؤال مهم بأه الملك زهق ورفض انه يمص الدم!!!! فى ناس بقالها 26 سنه ولسه مزهقتش لا دى هتسلمنا لولادها واحفادها
على فكره (ليستات)قال ان فى مصاصين دماء عايشين وسطينا ومتخفيين ولا يعلنون عن انفسهم يعنى ممكن انا او انت ونكون متنكرين...
(حبيب قلبى عز)ماصص دم الناس ياعينى واللى عاوز يبنى شقه يدفع تمن الحديد اللى هو اصلا تمن الجوازه كلها(بالمناسبه عامل اعلان جامده الشعار بتاعه حديد عز.........لشباب مصر هههههههه عسل والله)
ها كل واحد يعرف مصاص دماء يقولى عشان نكشفه ميفضلش متنكر كده علطول....
calabala مــشـــــــ الحب والرومانسيه ــــــــرفة
عدد المساهمات : 312 نقاط النشاط : 5722 تاريخ التسجيل : 19/04/2009 العمر : 33
موضوع: رد: اسكتو !!!!مش طلع كان عندنا مصاصين دماء الإثنين يونيو 22, 2009 9:05 pm
ههههههه عندك حق مصاصي الدماء كترو بس الغريب ان الشعب المصرى لسه عايش مقوله قالتها واحد اجنبيه انه غريبه ان الشعب المصري لاقي ياكل مع كل الحراميه اللى فيه والغريبه ان الحراميه همه اللى بيقبضوا على الغلابه اللى بيسرقوا لقمه ليوم عشان يعيشوا لكن هما بيسرقوا اليوم كله شكره ع الموضوع ده
