يوميات مراهقة

الحلقه الاولى

طبعا ده موش اسم فيلم ولا حاجه دي مزكرات مراهقه عاشت فترة مراهقتها بكل ما تحمل الكلمة من معنى في خيالها وفي الحقيقة
على فكرة فكرة الموضوع ده من الخيال بس قصصها من واقع قصص حقيقيه وتجارب مراهقتنا البنوته اسمها غرام والاسم ده طبعا مستعار بس الاسماء اللي ممكن تدخل في تفاصيل المذكرات جايز تكون حقيقيه يا رب تعجبكوا المذكرات .
وعلى فكرة هى منقوله زى مصحبتنا بتحكيها عن نفسها بالظبط بدون اى تدخل منى ...


ملحوظه: الكاتبه الاصليه للمذكرات اسمها فاطمه
وعجبتنى قصتها فنقلتها ليكم
وبحب اوجهلها تحيه كبيرة جدا لانها بجد انسانه مبدعه

هنبتدي المذكرات بأول موقف في حياة غرام

كمان شهر بالظبط هتم ال17 سنه انا برج الميزان طيبه قوي وبحب الناس قوووووي نفسي ابقى مطرقعه لمرة واحده في حياتي وابطل خوفي وكسوفي اللي زيادة عن اللزوم ده وعمري ما حبيت وعمري ما حسيت ان انا زي غيري عبير ولينا وشروق محبوبين نفسي احس اننا زيهم محبوبة وبحب وبتحب بس انا ما ينفعش تقريبا لان ابويا راجل غلبان وعلى قد حاله هيشتريلي هدوم زي اللي بتجيبها لينا كل يوم منيين وهعمل شعري كل يوم عند الكوافير زي ما بتعمل شروق منين و ما اعرفش اخرج لوحدي زي ما بتعمل عبير اي نعم البت عبير بتفطسنا ضحك كل يوم على حكاويها مع رائد لكن يا مصيبتها السودة لو طنط قفشتها دي موش هيطلعلها نهار
ياااااااااه ايه القرف ده هستنى لحد امتى علشان احب زيهم

قلت لنفسي :

بطلي عبط يبت ايه اللي انتي بتقولي ده الحب ده حرام ايوه حرام لاااااااااء الحب مش حرام انا نفسي احب بقى ماليش دعوة هفضل لأمتى انتظر اليوم ده لاء مش مستنيا حاجه انا هدور بنفسي
انا بكرة هروح عند شروق اخليها تعملي شعري سشوار وهستلف طقم من لينا وهروح لعبير نخرج على الله الاقي حد يحبني استأذنت من ماما اننا هروح عند عبير النهارده وهنخرج وكده المهم وافقت
لبست بقى في خمس ثواني وجري عند عبير

وكنت قبل الخروجه بمنظر تاني غير اللي خرجت بيه شعر منكوش وبنطلون قماش بسيط وقميص وفجأة
لقيت لينا جيبالي بنطلون جينز غالي قوووووي ليها وبتقولي قيسي ده وشروق مجهزه السشوار وعبير هتخدني معاها و هنخرج نروح على سيتى ستارز مول
واوووووووووو سيتى ستار مول حلم عمري من زمان نفسي يتحقق عليا النعمة لو طلبت من بابا يخدني لقلي اتلهي هوا احنا لقيين ناكل اما اخدك مكان زي ده
طبعا ايه ساعة وانا اصرخ وهما بيشدو في شعري وشمه ريحة شياط ايه ده هي دي جيبا البنطلون ده ازاي وبتلبسه ازاي دي لالالالالا اللا ده مكياااااااج دي اروح فيكو اللومان تؤتؤ انا موش لاعبه
يبت بطلي عقد تعالى بس هي دي الموضه وربنا هتقضي يوم زي العسل و المكان هناك يجنن المهم الزن على الوادن امر من السحر المهم حسيت وكأني زي العروسة شعري جميل واللبس حلو عليا قوووي واقتنعت بعد اما قالولي ان حتى لينا وشروق جيين معانا وما فيش اي داعي للخوف


ووصلنا عمو والد لينا بالعربيه يبختك يا لينا موش بتتشعبطي كل يوم في الميكرو علشان توصلي المدرسه
المهم وصلنا سيتى ستار موول ونظرات الانبهار وخداني

ينهار زي بعضه ده انا مكنتش عايشه قبل النهارده الناس كتير التخين والرفيع والطويل والقصير من كل شكل ولون وانا لو ما كنتش جيت كان زماني بتفرج على القناة الاولى واللا بتخانق مع اختي الصغيره واللا قاعدة في القوضه وحواليا الف واحد احسن حاجه ان انا خرجت
واكلت ايس كريم كان اطعم ايس كريم كلته في حياتي شوية كده وقعدنا لقيت اتنين شبان جم بيسلموا على لينا اتخضيت قوي رحت قايمه من مكاني قالتلي ده محمد ومصطفى ولاد طنط سميحه صاحبة ماما انا سمعت طنط سميحه ارتحت قعدت تاني سلموا ومشيوا
ما فيش ثانية واحده وقالت لينا انا هاخد شروق ونتفرج على الفتريين بتاعت اللبس موش هنتأخر طبعا عبير بتلعب في الموبايل وكل شويه هارت رائد رن ومسج وانا ببص وبس
وحياة ربنا لأمي تعلقلي المشنقه النهارده يلله نمشي
نمشي ده ايه دحنا ما بقلناش ساعه قاعدين بطلي بقى خنقتيني
طيب اوعديني اننا موش هنتأخر انا ورايا مزاكرة
اوك اوك بس والنبي بلاش زن
سكت وقعدت ابص على الناس وكأن الناس دي موش شبه الناس اللي عندنا في الحتة خالص الجو كان جميل والمول كان مليان مرت ساعة و لينا وشروق مجوش ولا حتى شفتهم

حصل ايه في المول هقولكم في الحلقة الجايه ...............................

مش هقولك يا يويو دى اسرار وكده البت تتفضح
انا مش هقول الا على المنتدى بس

اشفتى خايفة على البت ازاى

انتى تؤمرى يا دودو
وياريت فعلاا تعجبكوا للاخر
:fgg:

جميله اوي يا سيندريلا ياريت تكميلها

مرسي على التوبك ده يا سندريلا
فعلا على نياتها

هى فعلاا على نياتها خااااالص بس لذيذة اوى

يارب القصة تعجبكوا للاخر

النهرده كلمتني عبير في التليفون طبعا كنت موش طيقاها وزعلانه منها جدا علشان الحركة اياها وقلتلها انتي جبانه موش تكلميني تاني قلتلي بقى دي عمله تعمليها هوا حصل ايه لده كله
قلتلها يا بنتي انا غلطانة اساسا اننا فكرت اجي معاكي انا ماليش في الجو ده صدقيني قالتلي طيب خلاص صافي يا لبن ( هوا ما كنش علشان خاطر سواد عيوني بس علشان كان عيد ميلادي)
وانتهينا قلتلها تيب خلاص
عيد ميلادي ده قررت فيه ان خلاص كفايه كده ولازم احب بقى لان كده كتير. نفسي احس الرومانسيه والرقه واتجرأ واتكلم وابوح بمشاعري لحد يستاهل


المهم
بعد يومين اتصلت لينا قلتلي تعالي انا عندي شروق وعبير وقعدين مع بعض وماما عند جدتي ومعاها اخواتي الصغيرين يعني هنعد براحتنا من غير قلق
قلتلها هسأل ماما قالتلي ماشي بس ما تتأخريش
رحت بقى عندها كان بيتهم كبير قوي وواسع وجميل والبلكونة واسعه يرمح فيها الخيل سيبتهم وفضلت قاعده في البلكونة تايه وسارحه في الجو الجميل ونفسي ابص كده قدام عيني الاقي بحر وجمبي شط وانا لوحدي ولو كان معايا حد يبقى واحد معين يملا عليا المكان ضحك وحب
ببص قدامي لقيت شاب واقف على البلكونه اللي قدام بيتها وبيبصلي قوووي عدلت قعدتي طبعا بيني وبينكو اتاخدت ورحت قايمه فبسأل لينا بقولها مين ده اللي واقف في بلكونتهم قالتلي ده جارنا عادل واخته دينا صحبتي جدا بس ايه واد جامد بجد هوا في الجيش دلوقتي وجي اجازة وراجع بكرة او بعده بالكتير
بصراحه كده ومن الاخر حسيته بيبصلي
قالتلي لاء هوا مؤدب قوي ومش ليه في الحجات دي وبيحب واحده
نزلت لينا معانا علشان توصلنا لاول الشارع ببص كده لقيته واقف قدام بيتهم وجمبه شلة بنات من اخواته وبنات اخواله وعمامه
رحت بصه بقرف كده ( عاملي فيها روميو حضرته) مش عاجبني المهم سلمت عليهم من بعيد وروحنا


تمر الايام وتيجي دينا دي معانا في نفس الفصل اللي كنا في احنا الاربعه والبنت دي حبتني قوووووي وبقينا صحاب وقالتلي احنا جران يعني تعالي عندي في البيت نزاكر مع بعض قلتلها معلش انا موش بخرج ديما بس كنت كل ما روح عند لينا افاجأ بأخو دينا واقف بيبصلي وبيتعمد يبصلي قوي وسعات برضه الاقيه مشغل الكاست على العالي اغاني حب وغرام اول ما يلمحني
وانا اقول للينا اخو دينا ده موش مظبوط هوا بيعمل كده ليه تقلي لاء عادي هوا ديما كده



حصل ايه مع اخو البونيه الجديده هقولكم مع حلقة الربعه من مذكرات المراهقه اياها

الحلقة الرابعة
المهم بقى في يوم كنت في بيتنا عادي يعني بمسح الشباك وقعت مني الحتة اللي بمسح بيها في الشارع ببص تحت الاقي المحروس اسم الله عليه واقف تحت بيتنا جمب عربية كبيره قالولي بعدين ان اسمها جيب اصلي ماليش في العربيات ومره بي ام سودة حسيت اننا واقعه في فيلم عربي قديم
يقف بعيد عن البيت شويه ويشغل الاغاني اياها وانا بصراحه كنت مديقه وحسه ان الحركات دي متوجهه ليا موش لحد تاني
وفي يوم وافقه في شباك بيتنا كالعادة بصراحه لان ما فيش حاجه تانيه اعملها واستريح من المزاكره والبيت اللا الشباك ببص لقيت اخينا بالله في بيت الجيران قدمنا وقاعد مع علاء ابن الجيران واول ما وقفت جم ووقفوا هما كمان في الشباك
قلت اووووووووف بقى ورحت قافله الشباك ودخلت جوه البيت


بعد كده عزمتنا دينا اخته على البيت عندها علشان نزاكر سوا وكده كلهم قالوا اه انا قلت لاء موش هقدر ماما موش هترضى انا عارفه موش بتحبني ازاكر مع حد معلش قالتلي طيب بس علشان تفهمينا درس الفيزيا ما تطوليش قوليلها موش هتتأخري قلتلها مامتي وانا عرفاها
فوجئت بلينا مكلماني في البيت وطلبت من ماما اننا اروح معاهم عند دينا وان موش هنطول كلها ساعة بالكتير قالتلها ماما اصل خالها جي وخارجين موش عاوزاها تتأخر قلتلها انا هوصلها ان شاء الله موش هنتأخر
قلتلها يبنتي انا ما قلتش لماما علشان موش عايزه اروح قالتلي هيحصل ايه يعني انتي معانا اهو
قلتلها طيب بس اياك يحصل حاجه علشان هبهدل الدنيا انا مبحبش الحركات دي انا بقولك اهو
قالتلي انتي بس كده ديما بطلي بقى شغل العيال ده المهم رحت الاول عند لينا واتجمعنا عندها وبعد كده نزلنا عند دينا
ويا دوب اهو خلاص هنخش قعدنا في الصالون
انا طول الوقت قعده عادي لقيت البت شروق بتقول اخوها اهو والنعمه الواد ده جامد
بصيتلها من فوق لتحت وانا عارفه انها بتغيظني قلتلها سيبتهولك يختي
شوية كده لقيت باب بيتهم بيدق ده اخو لينا بيقولي ان ماما كلمتني هناك وعيزاني اروح علشان خالي هيودينا معاه السوق
حمدت ربنا ان انا موش اتأخرت اكتر من كده وجري على البيت
كنت ارجع البيت افكر يا ترى هوا بيبصلي كتير قوي كده ليه يا ربي بيحبني ممكن يكون بيحبني لو فعلا كده انا هشوف هيعمل ايه ؟
ولا يمكن ولا يمكنش هو شاف ان مفيش فايدة بعد كدة وراح لحاله والحمد الله رب العالميين......


الجزء الخامس من المذكرات خاص بفنان مشهور هههههههههههههههههه

جميل يا سيندريلا
يلا بقي عاوزين الجزء الخامس

جميل اوووووي يا سندريلا
عاوزين بأه الجزء الخامس

بصوا يجماعة الجزء الخامس و الاتنين اللى بعده عن تامر حسنى
وانها اتعلقت بيه جاااامد وبقت بتتخيله بيغنى لها
المهم انه مش شيق اوى
انما الاجزاء اللى بعده جاااامدة جداااا بعد بقى ما دخلت الجامعة

لو عايزين الاجزاء بتاعة تامر انا ممكن انزلها عادى
لو عايزين انزل بالاجزاء اللى بعدها انزل بيها على طول
يا ريت تقولوا رايكوا

اوكى يا دودو
انتى تامرى :bball: :bball:

سيدى يا سيدى ع الشغل النار

ايه ياعم هنقر بقى ولا ايه
وبعدين وانا اجى فيكى ايه
منورة يا ميروو

ولا زلت ابحث عن حب عمري الحقيقي في اي مكان المهم اننا الاقيه اننا اتوهمت اننا لقيته في التلفزيون وسرحت معاه في خيالي وبقيت جزء من احداث اللقاء معاه كنت بكلمة كل يوم وبكتبله كل يوم اعيش في احلامي وخيالي قصة فيها بحر وشط وانا وهوا لوحدينا وبس وافضل اكلمه كتير جداااااااا وبعد كده افوق على واقع فيه قوضتي وسريري في بيتنا ولا في بحر ولا شط ولا اي حاجه الحلم ده فضل محاوطني ايااااااااااام كتير يجيني وانا مستنيه اليوم اللي هيبقى حقيقي


انا كنت في حالي قوي ماليش في حد وكنت من فرط الخجل ابان مغروره لا بكلم حد ولا لسه اعرف اعمل علاقات مع الناس بنت خام قووووي بس كنت مجتهده


بس ديما اقف عند موضوع الحب ده وابلم ما اعرفش اكدب ولا اقول واخترع قصص لزميلي في الجامعه

كنت كل يوم ابص في وشوش الناس واحد واحد واقول ده لاء ده رخم يمكن ده لاء ده مش عارفه ايه

فقررت اننا الاقيه بنفسي ابتديت اركب شخصيه قريبه لطريقتي انا وتفكيري واقول اهم حاجه لازم يكون راجل ملو هدومه وطيب وحنون قوي وجدع وابن بلد وروش برده مافيش مانع واهم حاجه رومانسي بس تؤتؤتؤ لو قالي نخرج طبعا لاء انا ماليش في الحجات دي

ايه يبت بسم الله الرحمن الرحيم مالك في ايه ؟ ههههههههههههه
بتكلمي روحك والا ايه لا اله الا الله

ارجع كل يوم اشغل الكاسيت واسمع بقى في اغاني واتوه في رقة كلام عمرو وتامر ومحمد فؤاد واي حد يقلقلني ولا ينادي ليلته زرقه

وفي مره اخواتي بيندهولي جامد الله اكيد في حاجه مهمه
خرجت لقيتهم كلهم ملمومين حولين التلفزيون القناة الاولى وعملين لقاء مع تامر حسني

الله فناني المفضل يخبر على جماله لفت انتباهي بطريقته واسلوبه ولقاءاته ورومانسيته وياويله اللي يشوفله صوره في جريده او مجلة ولا يجبهاليش اصل انا حمشه ما يغركوش
ههههههههههههههههههههههههه- ههههههههههههه

يااااااااااه قد ايه رزين وروش في نفس الوقت ضحكته تجنن واللا عنيه يالهووووووووووووي اموت انا (محدش يتريق)

ويخلص اللقاء من هنا واروح في عالم تاني خالص كله رومنسيه ورقه وحب

اشغل الراديو جمبي الاقي تامر بيقول قولي بحبببببك بصوت عالي
اقول انا بقى يااااااااه ده القدر ههههههههههههه وكأنه حاسس بيه
واتوه بقى مع تامر في قصة ليها سيناريو وحوار وشخوص
وكأن انا في بحر وعلى شط وتامر في الشاليه اللي جمب الشاليه بتاعي ههههههههههههههه وانا بتمشى بقى ساعة الغروب احس بيجي من بعييييييييييييييييد قووووووووي ومافيش لا ناس ولا بشر وميوزك خفيفه وهوا نقي ولطيف وانا لوحدي وهوا جيلي من بعيد خالص ويقرب وهوا بنفس ملامحه وشعره ولبسه في اغنية قرب حبيبي .
ليه محدش يسأل هههههههههه بس يمكن علشان بحر وكده لازم يكون لابس كاجوال وكده فاهمني طبعا وكمان علشان في الكليب ده تامر بيرقص مع البنوته اللي في الكليب وانا كان بيبقى نفسي اكون انا مكانها
اقعد انا وهوا على الرمله ونتكلم كلام كتيييييييييير جدا ونضحك ونهزر ويرن موبايله يقفله علشان نكمل كلامنا وبنتكلم في ايه الله اعلم بس بنتكلم بقى وقاعد جمبي وافوووووووووق على صوت ماما تعالي ساعديني بابا جاي وضبي السفره وتعالي انقلي الميه والصحون وبدون اي احساس اروح قايله اوووف بقى هما مش هيسيبوني في اجمل لحظه في حياتي بقى واقوم متنرفزه وعفاريت الدنيا بتتنطط في وشي اوضب كل حاجه وارجع لمكاني مشغله الراديو ومواربه الشباك ونور خافت وزكرياتي مع تامر في الخمس دقايق اللي فاتوا وياريت على كده وبس تؤتؤتؤ
حصل ايه مع تامر حسني هههههههههههههه هتشوفوا في الحلقه الجايه ان شاء الله

ههههههههههههههههههههههههه
لا جامده
يلا يا سيندريلا عاوزين الباقي مطوليش علينا

كل حياتي بقت مرتبطه بيه اصحى الصبح احط الكاسيت وعليه اروح اي حته وارجع وبرده عليه وكل اغنيه ليه بقت بتمثلي حاجات وافكار واحلام رومانسيه لو قال اما بتكون بعيد بحضر كلام اقوله اقعد افكر هقوله ايه لو شفته وهوا هيقولي ايه وحلم البحر والشط وهوا جي من بعيد بقى مرتبط بيه قوووووووي نفسي اشوفه واكلمه ونروح على شط ويجي من بعيد ونتكلم وبعد ما نتكلم نرقص مع بعض ههههههههههههه مش عارفه اشمعنا نرقص ونقعد على الرمله بس هوا كده
بعد كده بفترة وانا في مره في المدرسة سمعت من البنات صحباتي ان تامر منزل كليب جديد واغنية تحفةةةةةةة وتجنن وانا اسمع بقى اتجنن فلانه عندها دش يبختها انا اخري القناة التانيه
دلوقتي وحالا لازم تصرفوني عايزه اسمع الاغنية دي وكأنه عملهالي او دي رساله منه ليه وقررت اننا اروح مع البت صحبتي بيتهم ال ايه بقى هنزاكر وبتاع وفرصه لو جابوه الاغنيه اشوفها وبلاش كدب بقى هي اساسا كانت منزلها على الكمبيوتر بتاعها
المهم ما اطولش عليكم قعدنا واتغدينا سندويتشات فول كنا جيبنهم معانا واحنا مروحين من عند عم مصطفى اللي على اول الناصيه بيعمل اما فول تمام بجد وطعم يما كان نفسي يبى سندوتش كفته هههههههههههههههه المهم ومن غير تطويل
خشينا بقى قوضتها وهي كالعادة متكركبه ولا تدل على اي معنى من معاني الرومانسيه اللي كنت بحلم بيها وقدري طبعا اننا جيه معاها وضبنا القوضه وخليناها جنة بس اتهد حيلي بصراحه ما اقلكوش اصلها بروطة قوي ههههههههههههه
المهم جابت الشاي ومخمخنا وقعدتني قدام جهاز الكمبيوتر في انتظار مفجأتي الموعوده تامر حسني واغنية جديده وفيديو كليب حكاية زي ما بيقولوا هما
يخبر ايه ده مين دي كان نفسي اكلها بسناني بس البت حلوه قوي يخببببببببببببببببر ده شط وبحر
لاء لاء لاء وبترقص معاه كمان وكأني انا اللي اخرجت الفيديو كليب ده في خيالي ياه
واستوقفني في الاغنيه مقطعين
يعني ايه لما كلامي كله يبقى في سيرتك يعني ايه لما ابقى عايش مش شايف غير صورتك لاء وصوتي يا حبيبي ما ينطقش اللا اسمك
يخبر ده انا مش ببطل اتكلم عنه ولا حته ثانيه واحده ده انا عايشه بيه وبطلب من ربنا كل يوم في صلاتي انه يرزقني يا بيه يا بحد شبهه وبرقته وبرومانسيته
والحته التانيه اما بيقول يعني ايه كل اما اروح مكان اشوفك جمبي يعني ايه حبك واخدلي قلبي روحي وعاقلي لاء وعمري ما الاقي نفسي الا انت في حضني
يالهووووووووووووووي ده انا اللي بتكلم مش هوا وانا اللي المفروض اجيبه في الكليب ده معايا انا ههههههههههههههههههههههههه- ههههههههههههه
المهم تهت بقى في دنيتي ونسيت انا كنت جيه ليه اساسا ولا سمعه اي حاجه في وداني الا الكلمات دي وصوته وهوا بيرددها وانا في منتهى السعاده وهوا بيغنيهالي انا مش اي حد تاني
وروحت بقى وعلى قوضتي فورا وقفلت الباب عليه وعلى سريري ببص لقيت دموعي بتنزل كده لوحدها طيب في ايه مالك يبت فوقي ما اعرفش يخببببببببر قد كده عشت جوه حلم ولبسني نسيت انا فين وهوا فين واتغظت بصراحه وانا شيفاه بيحضن البت اللي في الكليب يمكن نزل من نظري ثانيه وعيطت علشان خاطر كده بس قلت لنفسي فوقي يبت انتي صدقتي واللا ايه انتي اخرك تحلمي بس مش ابعد من كده
وقررت اننا زعلانه منه (من تامر اقصد ) بقى ومخصماه وعشت الدور ده للنهايه ورفضت اي حد يكلمني عن تامر حسني ولا حتى يديني صورته حتى الراديو ما بقتش اسمعه خالص ويوم ما ازهق اخش انام والا اخرج امشي وزعلانه منه وواخده على خاطري
وفي مره بفتح الراديو وفعلا للصدف
لقيت تامر بيقول
وما دام انتي شيفه كده خساره ان اعشقك ضيعت سنين معاكي كدابه ما اصدقك وخلاص امشي وسيبيني وربنا يوفقك
قعدت اعييييييييييييييييييييط بقى وبنهنهه وماما افتكرت بقى في حاجه وانا اقلها ما فيش حاجه متخنقه مع لينا
واكمل الاغنيه وهوا بيقول : ههههههههههههههه
طلعتي معاكي عيني وكمان بتهدديني ال يعني خلاص يا روحي من الجنة بتطرديني
دنتي لما تسيبيني يا حبيبتي هترحميني مخانقه ومن جروحي ده انتي هتريحيني
يخببببببببببر اسود ده هوا كمان زعلان جدا مني بس انا اكتر ينفع والنبي الفيديو كليب اللي انت عمله ده يا تامر والله هوا جميل ورقيق بس مش كنت احب الصوره الورديه للشاب الرزين الدغري الحمش الرومانسي يعمل كده وخصوصا ان كل لقاءاته كانت تدل انه محترم جدا وبيغير على حبيبته وكده وانا بنظرة البنت المتخلفه زعلت منه لاء بقى انا مش زعلانه منك وهوا فنان وده تمثيل اساسا بقيت اقنع روحي بقى حبه حبه ان تيمو ضحيه للبنت دي ههههههههههههههههههه وابتديت اكره البنت دي اساسا واغفر لتامر
الصراحه انا اما سمعت الاغنيه دي قعدت افكر هقول للبنات اننا سامحته ازاي وعايزه الكاسيت بتاعه ازاي المهم قلت ما فيش الا اننا عادي بقى وبتاع واقول للينا اننا عايزه اسجل الشريط عندها في البيت علشان عندها دبل كاسيت وينفع اسجله منه وارخص من ما اشتريه والله مش بخل بس مصروفي وبيطير اول خمس ايام اساسا من الشهر
المهم روحت وسجلته وسمعته وحبيته جدا واما روحت البيت بقى وعلى روقاني المعتاد شغلته صحيح الصوت كان واطي ومش قد كده لكن مش بطال
ويجي حظي يا محلا الدنيا وانا جمبك يا كل منايا محتاجلك حبيبي يا عمري ما تسيبنيش وحياة اغلى حاجه عندك
وحبيبي النهرده لازم تعرف حبك عاملي جنان واكتشفت فعلا اننا بقيت مجنونة بالشخص ده وعشت وعيشت روحي في حلم معاه وبين شغله واغانيه ولقاءاته اي انترفيو لازم اسمعه واشوفه واي صور ليه اخدها قديم وجديد وكأنه حبيببي اللي بدور عليه بكل رومانسيته ورقته واخلاقه
في الفتره دي اي حد كان يحاول يتقرب مني او حتى يكلمني ارفض وكنت مركزه على حاجتين مزاكره واجتهاد وتامر مش يمكن بكره اتخرج واشتغل مذيعه وتشاء الظروف اننا اقابله واعمل معاه برنامج واللا يودوني شرم مع جروب اعمل تقارير فنيه واشوف تامر والبحر والشط اياه اللي طول عمري بحلم بيهم
يخبر سيناريو متظبط وكله جوه عقلي لا ليه واقع ولا ليه حقيقه دنا لسه بدرس امتى اتخرجت وامتى اشتغلت يادي خيالك اللي هيوديكي في ستين داهيه يا غرام

الجزء الاخير بين غرام وتامر هتشوفوه الحلقة الجايه ان شاء الله سلااااااااااااااااااا-اااااااام

الحلقه السابعه

وبعد فتره حصلت الحادثة المشهوره لتامر وفي دي الحادثة تعرضت لأكتئاب شديد افضى بي لكره كل ما هو حولي واسأل نفسي ياربي اشمعنى هوا في حد يكون طيب وكويس قوي مع الناس ويحصله كده يااااااااه قد ايه زمان نفسيه وحشه ياريتني مكانك يا قلبي ولا تتعرض لثانيه لأي عذاب او قلق
يااااااااه للدرجة دي كتير كانوا مستنين محنة تمر بيك علشان يطعنوك في ظهرك
للدرجة دي الناس بقت وحشه وكل همها توقع نجاح حد تعب قوي لما عمل النجاح ده لاء عمرك ما هتقع ولا هتنهزم وقررت اننا هفضل مع تامر لحد النهاية اخفف عنه واساعده وطبعا كله جوه في خيالي
وكأني رايحه ليه وكل قضبان السجن لونها بمبي والحيطان والفرشه اللي قاعد عليها وهوا بعيد قوي عني واقرب من القضبان والبيبان تفتح قدامي لحد ما اوصله وبقله ما تقلقش احنا معاك وجمبك قام من على الأرض ووقف قدامي وعيط على كتفي قعدت اعيط انا كمان وصعبان عليه جدا قام ضحك وقالي الله بقى هيبقى انا وانتي خليكي قوية وقعدني جمبه وقعدت اقله نكت واخفف عنه واهزر معاه واكلمه وهوا بيضحك وفي الأخر باس ايدي وراسي وانا من كتر الفرحة كنت بعيط وكل املي اننا اخده ونخرج من المكان ده ومسكت ايده ووصلنا لحد الباب واهو خلاص هنخرج وقفني وقالي لسه شويه قلتله طيب هستنى قالي ابقي تعالي زوريني خلاص هانت اقله لاء مش هسيبك انا هفضل معاك لحد ما تخرج وصحيت من حلم اليقظه اللي كنت بحلم بيه ودمعه على خدي روحت لأمي واقلها هي الدموع في الحلم ايه تقولي فرج استبشرت خير ومن يومها ما بكتش ولا عيطت وكان كل املي انه هيخرج وقريب زي ما قالي
وبعد كام يوم كانت الجلسه اللي هينطقوا فيها الحكم قلبي كان هيقع من كتر القلق عليه ويومها اساسا راح النوم وراح كل حاجه لا اكل ولا شرب ولا نوم ولا هزار
يارب كون معاه يارب والنبي يارب ده غلبان يارب ما يتظلم يارب
يارب بقى يارب واقرا قرآن وادعي من كل قلبي وكان يوم بجد اصعب من كده ما فيش
وينطق القاضي الحكم وشلالات من الدموع طالبه من ربنا الفرج وقال سنة وكانت اصعب ثواني في حياتي لان قلبي سعتها كان على وشك يقف من الخضه والناس بتصرخ ورافضه وزعلانه وبعد كده كمل القاضي مع وقف التنفيذ قمت صرخت ينصر ديننننننننننننك هيييييييييييييييييييييييي- يييييييييييييييييييي هيييييييييييييييييييييييي- ي يانهااااااار الحمد لله رب العالمين ربنا كبير وعمره ما هيرضى بالظلم وفجأة فوجئت بطنط والدة لينا دخلت القوضه رحت وجيت ميت لون وقعدت مكاني من سكات اصل صوتي كان عالي جدا من كتر الفرحه وقعدت استنى تامر بقى حبيب قلبي يخرج وبعد الحادثة دي ايقنت ان انا بقيت قريبه قوي من تامر وان تامر بقى في دمي خلاص
وابتديت قصة تانيه معاه بعد الخبر الجميل ده
الحمد لله يا قلبي شفت ربنا كريم اذاي
الحمد الله ( وهوا بيضحك)
يلله بقى اول ما تخرج نروح حتة ما فيهاش ناس ترتاح شويه من دوشة الناس والعالم دي كلها
انا ورايا ارتباطات كتير يا غرامى
لاء ولا اي حاجه لحد ما ترتاح وتنسى الفتره دي من حياتك
طيب يا روحي
واخده من ايده وفي ثانيه نكون في جو دافي جميل بعيد عن الناس والمصورين والصحافة انا وهوا بس ويغنيلي واسمعله واسقف مبسوطه وافوق زي دايما على حقيقة اخرها قوضتي والشباك الموارب وصوت ماما تعالي ساعديني واللا شوفي اختك بتعيط واللا شوفي الباب واللا ردي على التليفون
اوووووووف بقى ايه ده انا خلاص جيبت اخري معاكم
تيتن تيتن وجرس الباب بيضرب
وكالعاده بواب الشقه انا
مين
انا يبت افتحي (لينا )
انا : حبيبة قلبي
هي: وحشاني ازيك يا قمر اخبارك ايه واخبار تامر معاكي ايه
انا :فل الحمد الله
هي :شفتي الكليب الجديد
انا :كلييييييييييييب
اه كليب عملينه لتامر لحد ما يخرج
انا : بتهرجي
هي : لا والله خلاص اما تيجي عندي المره الجيه هوريهولك واجيبلك شوية صور
انا : نعم ده امتى وفي ثواني غيرت هدومي ونزلنا ههههههههههههههههه وكالعادة لا يمكن ان اتأخر عن حاجه تخص تامر وكان عندها حجات منزلها ليه لقائات وبرامج وصور وتصميمات
ياااااااااااااااه ياريتني عيشه معاكي يا لينا واللا اقلك ما تسلفيني كميوتر بتاعك وابقي شقري عليه كل يومين كده
لينا بتضحك
طبعا فدايا
فداكي يختي طبعا خدية بس اوعي تصدقي ههههههههههههههه كالعاده بخيله طبعا
بقول للينا هوا مش هيخرج بقى
لينا : هوا مين
انتي يبت اللي واخد عقلك
وبتنهيده من القلب :هااااااااااا تامر يابتتتتتتتتتت
ربنا يسهل
ايييييييييييييييييييية
اوك هوا كل حاجه بامر الله بس هوا لحد دلوقتي مش خرج
انا تعبت بقى
هيخرج ان شاء الله وتستأنف لينا سؤالها ليه
بتقولي وفرضنا خرج النهرده يعني هتعملي ايه
سرحت بقى
وكأن لينا ضربتني بالألم
فعلا لو خرج هعمل ايه
هوا هيعرفك اساسا
بصراحة زعلت قوي وصحيت من حلم كان شغلني بقالي ايام وسنين
اخره اننا مش عارفه اساسا لو خرج بأيدي ايه اعمله وبصراحه اكتر هوا هيعرفني ازاي واللا هيشفني من بين ملايين المعجبين ازاي
والكلام الكتير والهزار كله حلم
لاء اللي بيني وبينه اكبر بكتير من مجرد حلم
المهم ايقنت اننا ابتديت افوق من وهم او افوق روحي من الحلم ده بالعافيه علشان ما اقعش على جدور رقبتي
وابتدا الفيديو اللي عملهونله من فيلمه الجديد
يخبر ضمة ورد ماسكها بين ايديه قد ايه جميل ورقيق الورد ده وقد ايه الفنانه اللي معاه كمان رقيقه وفي ثانيه وقفت انا بدلها في البلكونه وكأنه بيستناني وعايز يديني الورد ده
وعشت جوه الفيلم معاه وحتى اخر مشهد ولكن بلبسي انا وشخصيتي انا مش بلبس مي عز الدين بس بنضراتها ههههههههههههه اصلي بحب نضارات الشمس قوي
وروحتني لينا
وشغلني بعد اما روحت الكليب والسؤال
وغالبا السؤال كان واخد مساحه اكبر طبعا
ونمت وعيني على صورة تامر على الحيطة
جوه الحلم بقى
تامر بيندهلي من وسسسسسسسسسسسط كل الناس والمعجبين والأضواء متسلطه عليا لوحدي ومش شيفه غير ايدين بتسقف وتامر واقف على الستيج وماددلي ايده وبيقلهم دي اللي وقفت معايا في محنتي دي اللي كنت بشكيلها همي وحزني وكانت بتخفف علي وحدتي
وانا مش مصدقه وبغطي وشي بأيدي وبعيط للدرجة دي انت حاسس بيه يا تامر وفاكر كل كلامنا سوا
وافوق والفجر بيدن وفرحت وقلت دي رؤية
واول كلمة قلتها
شفتي يالينا اهو فكرني
وصحيت اول حاجه عملتها كلمتها على طول وقلتلها انا حلمت بأيه وقالتلي طيب يختي وبطريقة استهزاء فظيعه وكأنها بتقولي عيشي واحلمي زي ما تحبي واخر ده كله معروف
طبعا استنيت تامر كتير لحد ما يخرج ومش بيخرج
الجميل بعد كده حصل تحول فظيع في بيتنا وهوا ان بابتي قرر يجيبلنا كمبيوتر بالقسط في بيتنا وهيشبك نت من عند احمد ابن الجيران بيشتغل في سيبر وهيدي بابا خط علشان خاطر شغل بابا جديد
الله ده اجمل خبر سمعتهفي الدونيا
نت = ميل = لينا = صور تامر كلها = مواقع عن تامر = كل حاجه هنزلها وهشفها وهقرب من تامر اكتر

وفعلا ركب النت عندنا وكانت لينا تقريبا ولمدة شهر دايما عندنا كل يوم علشان تعلمني ونخش مواقع وتنزل لقاءات وصور وبتاع وانا ولا انا هنا مستقبل فقط لكل حاجه وغير مرسل لاي ردات فعل
بس ايه ده كل دول ناس بيحبوا تامر حسني ومش كده بس ده تلت تربعهم بنات :ء لحد هنا وستوب تامر ده بتاعي لوحدي اي حد هيفكر يقربله حتى هنسفه
لينا وردة فعل سريعة منتهى الضحك وكأني مسكتها وزغزغتها
ايه في ايه بتضحكي ليه
ده انتي غلبانه غلب
اشمعنا
يبنتي تامر ده ليه معجبين من كل الوطن العربي موش مصر بس وكلهم مستويات
ديقتني كلمة مستويات قوي يمكن علشان انا من بيئه بسيطه فكرت كتير في الكلمة
بس هل شرط الأنسان بيعجب بحد لمجرد غني واللا عنده سلطه واللا واللا واللا
وفرجتني بقى على شوية فيديوهات لتامر في برامج اشي بنات بتعيط واشي بنات بتطلبه للجواز واشي بنات لابسه من غير هدوم وزي العسل كلهم واشي بنات بيدوله هدايا وقاعدين بيتفرجوا على اللقاءات
بس ولا يهمني اهو اللي يهمني تامر نفسه
قد ايه خجول
مين دي البت دي
ايه قلة الادب ديه وليكي الجراة تبوسيه قدام العالم كلهم كده بس هوا مكسوف قوي
يادي النيله وايه دي كمان ياما نفسي امسكك في زمارة رقبتك
واللا دي يا دمك يختي ايه ده
يبت ولا يهمني ايه المناظر دي يبنتي
بصي ما تبصيش للبنات دي بصي لرد فعل تامر هتعرفي انا بحب فيه ايه بصي نظرات الخجل بصي الابتسامه المنوره شوفي الانطلاق والطبيعيه في التصرف شوفي قد ايه هوا طبيعي وتصرفاته تجنن وكلها عفوية بصي صوته ورقته ورومنسيته وروشنته يبنتي الراجل ده مش بيبص لتفاهات ولا لمناظر علشان هوا شبعان من المناظر دي وكفاية بقى ما تنرفزينيش
وطول القعده وانا سلسله من الدفاع عن تامر ونقد لكل البنات اللي في اللقاءات هههههههههههههههههه
تامر
ايوه يا روحي
شفت والنبي لينا
يبنتي انا ما يهمنيش والله اللي بيتقال عليا المهم انا بعمل ايه
لاء لاء والله هي بتحبك بس هي بتقول ان حياتك علشانك فنان بتسمحلك يعني تتصرف كده مع البنات والله انا عارفه انك بتتفاجأ
المهم بقى ايه الرضا ده كله وايه الكلام الجميل ده فحقي
علشان تعرف بس قد ايه انت غالي عليا
غنيلي بقى
قالي : انا حاسس كأني قبلتك زمان
انا عايز اقلك بحبك كمااااااااااااااان
قوليلي هجيلك انور سماك حكيتنا حكاية كتبها ملاااااااااااااااك
رديت عليه وقلتله
انا جمبك وحياتي مكان ما تكون وملكتك خلتني ملكت الكون
قالي
هجيلك لو انتي في ابعد مكان لو خايفه اضمك تلاقي الأمااااااااااااااااااااا- ااااااااااااااااااااااااا- ااااااان
ياااااااااااااااااااااااه- قد ايه محتاجه بجد اسمع الكلام ده منك ميرسي يا تامر
تامر
تامر


تامر مين يبنتي لينا بتهز فيا بقوووووووة
انتي يبت
ايييييييييييييييييييييه
يادي تامر اللي هيجيبلك الخفيف
قعدت اضحك بصوت عاللللللللللللللللللللللل- ي جدا وبطريقة هستيريه لدرجة اننا بقيت بدمع وهي تشفني وتضحك معايا وتقلي فعلا مجنونة
الكل شيفني كده اللا انا شيفه نفسي عاقله جدا وصح جدا
وتفرجني على لقاء بيتكلم فيه تامر عن حبه الوحيد واللي حبيبته سابته فيه وهوا كان لسه بيبتدي وكده وهوا بيتكلم وانا كنت بعيط ومديقه جدا مين ممكن اي عاقل في الدنيا قدامه حد زيك ويغدر بيك او يسيبك لو تعرف انت بالنسبه ليه ايه
انت كأنت لا تغيرت بجاه ولا مال ولا فلوس يكفيني تكون بنفس اخلاقك وطيبتك ورومنسيتك وحبك لعيلتك حتى لو ما كنتش تملك اي حاجه حد يكون بين ايديه نعمه ويرفصها برجليه
هي ما كانتش حاسه بقيمة الانسان ده ليه وعاوزه ترجعله كمان ده ايه ده انهي منطق يقبل كده
انهي منطق وهوا اللي بتعمليه ده منطق
نزلت الكلمة على دماغي زي الصروخ وابتديت في صراع عنيف بيني وبين نفسي ببص في المرايا لقتني بتكلم مع نفسي ايه يبنتي فوقي عيشي حياتك صح مش وهم ولا خيالات ولا قصص مع حد مش موجود
بس تامر موجود
موجود في خيالك بس
لاء تامر موجود في الحقيقه
زيه زي احمد عز وعمرو دياب ومصطفى شعبان اعدلك حبيتي كام واحد قبليه
قبل تامر
ان كنتي ناسيه افكرك
لاء تامر انا بحبه بجد وحق وحقيق
فوقي يا بنتي بقى وعيشي واقع موش خيال ايه الجد اللي بتتكلمي عنه ده وحصل امتى وازاي والحب ده مقايسه ايه اخرك هتزهقي من الحب العبيط ده وهتفهمي انه مؤقت واعجاب لحد معين في خيالك لا عمرك قبلتيه ولا شفتيه بتسمعيه وبتعيشي رومانسيته وبس
هشششششششششششش بقى انا تعبت اسكتي
لازم تفكري بعقلك اكتر وتكتشفي انك غلط وان حبك للشخص ده حب وهمي مراهق
واترميت على سريري وانا منهاره عاطفيـــا مصدقه الكلام ومقتنعه بيه ولكن رفضاه ياربي بقى
فكري في المهم دلوقتي الجامعات هتفتح بعد كام يوم وبعد بشويه رمضان بكره تنسي
انسى تامر ده لا يمكن
ده بقى في قلبي وخيالي
هتنسيه صدقيني وعيشي سنك وهتلاقي الحب بيخبط على بابك

دى كده يا جماعة كل الاجزاء الخاصة بتامر حسنى
اللى اكل عقل البت يا عينى
هههههههههههههههه
والاجزاء اللى بعد كده خاصة بغرام بعد دخولها الجامعة

الحلقه التامنه
ايقنت ساعتها ان حبي لتامر ما هوا الا سوا فترة فراغ عاطفي وحب للتجربة ولا تحمل تلك التجربة اي معنى من معاني الجدية فهي انبهار بشخصية جديده واسلوب جديد انسان يمثل لي معنى الكمال وهذا لا يوجد في الحقيقه فتامر الانسان بطبيعته وشخصيته يختلف بالتأكيد عن تامر الفنان الذي احببت وتلك الصورة الورديه التي رسمتها كما يحلو لي ان ارسمها قد لا تكون تساوي في الواقع شيئا كما انني مللت دور المرسل لكل المشاعر الرقيقه فهو ليس بالحب الذي ابحث عنه ولأخذ طريقة حبي لتامر وسيلة للتعرف على عالم من الرومانسيه اعيش به واتصرف من خلاله عندما احب وانتهت قصتي مع تامر حسني ولو انه لا يزال قابعا متصدرا على عرش قلبي يعلمني كل يوم من معاني الرومانسيه .

نكمل بقى

ودخلت الجامعة بعد ما جيبت مجموع في الثانويه العامه مش بطال اهلني اخش السن ولو انه مش حلمي اللي كنت بحلم بيه دايما ولكن ده نصيبي بقى ولازم اتأقلم معاه وقررت اننا احب السن علشان خاطر ابقى حاجه مهمه والكل يفخر بيها وبالررغم من ان كل احلامي ما كانتش بتتحقق غالبا لكن مجرد حلم الجامعه كان بالنسبه ليا خطوة جديده وجميله ايامي الأولى في الجامعه كانت انبهار بكل حاجه حواليا المجتمع المفتوح ومعترك الحيـأة اللي لازم اعتمد بقى فيه على نفسي واثبت روحي جواه وكنت واخده قرار بيني وبين نفسي وزي اول كل عام دراسي اننا اركز كويس قوي واجتهد ولو جه نصيبي احب هحب طبعا بس مش هسعى اننا ادور على حد خالص
بعد ما الانبهار راح واتعودت على جو الجامعه واتعرفت بالمعيدين والدكاتره والطلبه وخدت المراجع حسيت بملل كنت فكره الحياه كده من اولها في الجامعه هتكون اجمل واحلى من كده غير بقى اننا حسه بوحده رهيبه زيي زي كل السنافر يعني سنة اولى اللي في سني غير بقى اللي في سنة تانيه وتالته ورابعه تلاقيهم ماشيين اتنين اتنين كابل كل واحد وحبيبته او زميلته او زميله او صديقه المهم ماشي مع حد لكن انا وكعادتي في الفتره الأولى تخلص المحاضره من هنا يا اما في المكتبه يا اما على طرف رصيف وكشاكيلي في حجري وايدي على خدي وسرحانه في خلق الله اللي داخلين الجامعه واللي خارجين منها
عشت الأيام الأولى مركزه قوي في المحضرات والدكاتره واروح الصبح الكليه بدري واروح منها بدري ملتزمة جدا وعايشه دور المدرسة قوي وماليش في اي حاجه تانيه شويه كده وابتديت اتعرف ببنات معايا وابتدينا نقعد مع بعض في الكافتيريا ونروح الضهر مع بعض وكده
وكان دايما الموضوع الرئيسي والاساسي في كل قاعده ليهم الشباب وفلان روش وفلان رخم وده متكبر وده مش عارفه ايه ومن الشباب دول كان واحد ماخدين منه موقف جدا هوا في سنة تالته وكان اسمه امجد كل يوم وكل ما نكون قاعدين يجيبوا في سيرته وانه ولا اي بنت بتملى عنيه وانه فري جدا وروش جدا بس مدوب البنات وراه ومش بيديهم ريق وانه شايف نفسه قوي وطالع نازل يقول يا ارض اشتدي ما حد قدي ههههههههههههههه لفتوا انتباهي ليه وبقى عندي فضول اشوف الشخصيه دي واشوف صاحب مدرسة التقل الرجالي ده شكله عامل ازاي وبيتصرف ازاي وفعلا زي ما بيحكولي عنه بقيت اتمنى مجرد المحه لدرجة اننا قلتلهم لو جه وما كانش عندي محاضره اندهولي وكانت وبالفعل وروهولي اول فكرة خدتها عنده انه شاب هادي ومبتسم على طول ابتسامته ساحره وطيبه ووسيم الملامح وخشن الطباع انا كنت ببصله بطريقة حذر شديده لان كلام البنات عنه خلاني اقفش منه بصراحه وحسيت اننا هشوف حد ممل وقليط ومتعجرف ومخيف لكن سرعان ما الفكره دي تلاشت من مجرد اننا شفته ولحد موقف حصل بينا قلب الموضوع معايا على الأخر.



ايه الموقف وحصل ايه مع غرام هقولكم في الحلقة الجايه ان شاء الله ههههههههه هههههههه

وادى الحلقة التاسعة بس باين كده يا دودو ان ما حدش بيقرى الا انتى

ولو ان الموقف ده كان موقف صعب بالنسبه لي وكان مخيف بعض الشيء لكنه كان بداية لنظره تانيه تحولت تجاه أمجد
الموقف بدون تعقيد كنت خارجه الصبح للجامعه وكالعاده الصبح بدري في الهوس هوس علشان الحق اوصل قبل الزحمه ولو ان الزحمه مش بتسيب حد في حاله صبح او ظهر واتلم حواليه شوية شباب صيع مسكوني من اول العباسيه لحد ما وصلت الجامعه وكأنهم فاضيين مش وراهم غيري بس احمد ربنا واقرا المعوذتين وماسكة سلسله ايه الكرسي اللي في رقبتي وبقرأها يارب عدي الموقف ده على خير بينهم مش هيتلموا وهلم عليهم امة لا اله الا الله
ووصلوا بيا لمرحله مش قادره على رذالتهم وقلة ادبهم وقررت اننا اول ما اوصل البوابه ارشهم كلمتين يقوم يسمعني امن الجامعه يجوا يرنوهم علقة اخلص انا وفعلا عشر دقايق ووصلت يا دوب خلاص ولفيت وشي وابتديت ازعق فيهم ايه قلة الادب دي انتم ما عندكمش اخوات بنات ايه قلة الادب دي ان حد من الأمن يجي ولا حياة لمن تنادي ندمت بصراحه اننا نطقت منا طول عمري بسكت في المواقف دي ولا حدش سامعني وهما على كلمه واحده هوا حد جه جمبك ايه التلاكيك دي اجري يا شاطره الحقي كليتك يالهوي ومين ينقذني من الموقف ده بينهم عيال لبط احسنلي انسحب ويا دوب خلاص همشي وبلف وشي لقيت امجد وزميله محمود جم ناحيتي انا استشهدت طبعا مش وجهولي اي كلام
وابتدوا الكلام معاهم بالحسني وانا في عز الأزمة وشايفه مشكله هتحصل بسببي يادي النهار اللي مش فايت شويه كمان والكلام تتطور لزعيييييييييييق ينهار اسود حد يغتني خشيت جوه الكليه وما حدش على البوابه بينه بيكلم حد جوه واللا هوا فين ولقيته جي من بعيد ندهتله بقله الحق في خناقة بره
وجري على المدرج وكل حته فيه بترتعش يارب استر يارب يادي النيله ليقتلوه والا يعوره دول اتنين وهما اربعه يادي الوقعه السوده طب اخرج اشوف اي حد اسأله كل ما اقف اقعد تاني وكل ما حد يخش السكشن الاقيه بيبصلي وهوا يمكن مش بيبصلي ولا حاجه بس من كتر القلق بقيت حسه ان كل النظرات متوجهه ناحيتي وكلي خجل من نفسي وقلت يا رب طب فيها ايه لو كنت خشيت من غير ما انطق وما بقاليش كام يوم هنا ويحصل الموقف ده هيقولوا عليا ايه ولا ركزت في محاضره ولا دكاتره ولا اي حد وما صدقت خلصت المحاضره وطيران خرجت ولا في اي أثر لا لأمجد ولا لصاحبه ولا للشباب ينهار اسود يكونشي خدوهم للعميد
ااااااااااااه ياني يا دماغي هموت من التفكير ومكان الشاب بتاع الامن زميله مش هوا
انا عارفه يوم منحوس من اوله ومر يوم واتنين وكل يوم اروح الجامعه اتقص اننا الاقي حد يقولي اي حاجه ابداوبتاع الامن بيقولي لاء ده مشيوا ما حصلش حاجه طب فين مشيوا وفين الشاب لحد النهرده ما ظهرش طيب نمرته اي حاجه موبايله مقفول يا مين يصبرني يارب
تالت يوم بقى جه وكنت انا كعادتي قاعده على طرف الرصيف مستنيه حد من البنات يجي وخش ولمحته من ضهره وهوا يا دوب لف لقيت ايديه اليمين ملفوفه بشاش ابيض ومتعلقه على رقبته ودقنه طويله وباين عليه الارهاق
شفت المنظر ده ووقع على مشاعري زي القضى المستعجل وقفت حيلي ورحت لأقرب نقطة منه يكون مش شايفني ولقيت نفسي بأبكي وبعيط وبقول انا السبب انا اللي عملت فيه كده اكيد اتلموا عليه وعوروه وبعيط بحرقه شويه ما فيش والبنات وصلوا وكلهم اتلموا عليا واللي ما شافش شاف والصوت علي مالك في ايه يبنتي سمعنا جه ناحيتنا هوا ومحمود ومصطفى صحابه ويا دوب لسه بيسألني مالك ومش ابطل كده واطمن لاء ازيد واجري بعيد عنهم ودخلت المدرج واول ما خلصت المحاضره روحت ولا حس ولا خبر.
تاني يوم بقى وكالعاده من صباحية ربنا كنت في الجامعه واول ما خشيت من البوابه وبتمشى لجوه لحد ما اوصل مكاني المفضل لقيت امجد جيلي من بعيد ومعهوش اي حد انا استغربت بصيت ورايا مالقتش حد مشيتله
ازيك
كويسه الحمد لله
انت عامل ايه النهرده
تمام
ايه مالك يبنتي خضتينا عليكي
لا والله ابدا عادي يعني مشكله كده واتحلت ان شاء الله
اقدر اساعدك
لاء ما لوش لزوم موضوع كده وخلص ( بكدب )
قلتله انت كويس ايديك مالها وكان باين على صوتي القلق
قالي لاء بسيطة مش تاخدي في بالك
قلتله الخناقة
قالي خناقة ايه
قلتله الولاد اياهم
قالي لاء طبعا ما حصلش حاجه جيريوم زي الخنافس
سمعت الخنافس ضحكت
قالي يكونشي علشان كده كنتي زعلانه
وبصوت عالي وبلخمه وبألف لون ولون راح وجه في وشي
لالالالالالالالالالالالال- الالالا طبعا انت بتقول ايه انا كنت بس قلقانه من موضوع كده ( طبعا كنت بكدب )
انتي قلقانه والا في مشكلة هههههههههههه
قلتله يعني كده شوية حجات
قالي بقى كده طيب لعله خير
بصلي من طرطوفة عينه وكأنه فقسني
والكلمة بقت كلام وانا ما كنتش مصدقة نفسي بتاتا ان ده هوا المغرور اللي كل البنات معايا بينتفوا في فروته صبح وليل ده ما فيش في زوقه ولا تهذيبه بس الكلام بينا بقى كان في النورمال يعني نصبح على بعض ازيك نقف مع بعض شلة بنات وشباب يعني كده بس كانت بالنسبه ليا اجمل كلام وامتع وقت وابتديت احس بجمال الجامعه وبقى ليه طقوسي الخاصه ومواعيدي وخروجاتي وهيصه
خلص الاسبوع ده واول الاسبوع الجديد وكعادتي صباحا الى الجامعه بكل همه ونشاط فوجئت بأمجد واقف مستنيني في المكان اللي بقعد فيه دايما
حصل ايه مع غرام وقالها ايه هقلكم الحلقة الجايه استنوهااااااااااااااااااا- ااااااااا

اوكى يا دودو
انتى تؤمرى المهم انها تعجبك للاخر

الحلقه العاشره


خلص الاسبوع ده واول الاسبوع الجديد وكعادتي صباحا الى الجامعه بكل همه ونشاط فوجئت بأمجد واقف مستنيني في المكان اللي بقعد فيه دايما لمحني و جاي ناحيتي بالخطوة السريعه بصيت ورايا ما لقتش حد قلت يبقى ده جيلي انا
ازييييييييييييييييييييك وحشتيني موت اتعودت عليكي ما بقتش اعرف ابتدي يومي غير اما اصبح عليكي
عنيا بتلمع بقى وسخسخت( ده بيقولي وحشتيني ) رديت قلتله كويسه وانت عامل ايه الحمد لله انا كمان اتعودت عليك ولازم اشوفك كل يوم الصبح ده بقى ضروري
مسك ايدي وشدني بطريقة غريبه تعالي عازمك على شاي في الكافتيريا
اتاخدت وسحبت ايديا بعنف وقلتله ما ينفعش طبعا
رد مستغرب وليه يعني
بيني وبين نفسي طبعا ما ينفعش اروح اشرب معاه شاي لوحدينا مش علشان حاجه بس زمايلنا لو جم هيقولوا ايه والناس يا ما شالله ما بيصدقوا حاجه ويتكلموا فيها
رديت قلتله: لاء ابدا بس هي عشر دقايق والمحاضره تبتدي
قالي يخبر عشر دقايق بحالهم ده نشرب فيهم الشاي ونفطر كمان قلتله لاء فطار ايه هي يا دوب كوباية شاي
ابتسم ابتسامه خفيفه جميله وقالي طيب يلله بينا
مشينا لغاية الكافتيريا واحنا جمب بعض وقاعدنا قدام بعض محتاجه اكلمه اقوله اي حاجه بس لساني عاجز مش عارفه انطق ولا كلمة وعلشان اداري توتري امسك في كشاكيلي اقفلها وافتحها
جه الشاي وشربنا الشاي انه ينطق ابدا
طيب يا رب عايز ايه يمكن عادي عزومة شاي وخلاص
طيب يللا بقى بوجه لأمجد الكلام هقوم انا بقى علشان المحاضره
قالي ممكن تقعدي محتاج اتكلم معاكي
بصيتله قلتله اوك بس في ايه قولي
قالي محتاج اكلمك وبس
قلتله طيب اوك وانا سمعاك اتكلم
جوه نفسي بقى صراعات والف سؤال وسؤال بيسألوا طيب هوا اختارني انا ليه طيب يكونشي عايز يقولي انه بيحبني
قالي بصي لو حسيتي انك بتحبي حد قوي وبتفكري فيه كتير جدا ومش قادره تروحي تصارحيه بمشاعرك دي تعملي ايه
ابتسمت ابتسامة عريضه وكأنه بيوصف حالتي انا بالظبط قلتله ما اعرفش بس انا تقريبا ما عنديش الجرأة الكافيه اننا ابوح بمشاعري لأي حد لو حد تاني اجرأ مني كان ممكن يتكلم عن اعجابه وبشكل اوضح خصوصا لو كان شاب ( وانا من جوايا يلله بقى انطقها قولها )
قالي وانا خايف تصدني انا مريت بتجارب كتير وبصراحه ما بقتش اثق اننا اخش في تجربة تاني من غير ما اكون واثق في اللي قدامي كويس جدا
قالي يعني فكرك لو قلتها مش هتصدني خصوصا انها مهذبه جدا وطيبه جدا ودغري مالهاش في حركات البنات اياها واللؤم
هما البنات لئيمين حرام عليك هههههههههههه
استشهدت جوايا يا خبر ده واقع لشوشته بقى وابتديت ضربات قلبي بقت الف ضربه في الدقيقه واديا تلجت وبين لحظه والتانيه منتظره يصارحني بقى بمشاعره الدفينه
قلتله انت شاب كويس ومهذب ما اعتقدش انك لو كلمتها بأسلوب رقيق هتفهمك بأسلوب وحش انها يا مرتبطه يا اما تحب الطرق التقليديه انت عارف يعني قلتله خيار انها تبعد عنك وتتجنبك مش وارد بس انت خدها بشويش كده وحبه حبه فاهمها حقيقة مشاعرك
قالي طيب ممكن انا عايز اطلب منك طلب بس اتمنى ما تفهمنيش غلط وما تزعليش مني
ابتسمت وقلتله لاء اتفضل عادي ( قلبي بقى 12500 دقه في الدقيقه وازاي ما تسالوش )
قالي محتاج منك بس تلمحيلها او تكلميها
ابتسمت
فلتله اوك بس هي مين الأول هقولها حادر بس هي مين اعرفها ( لسه من دقايق بقولي وحشتيني ومسك ايدي وعزمني على شاي وعايزني في موضوع مهم انطق بقى نشفت دمي )
قالي طبعا ده انتي قريبه منها جدا
ابتسمت مع بعض الدهشه وافتكرت فيلم عربي قديم كان يقول لحبيبته اصلها شبهك قوي وبتعمل نفس
حركاتك وليها نفس ملامحك واستنيت انه يكمل بقى الكلام الرومانسي الجميل ده
سلمى
سلمى صحبتي
قالي ايوه
الصدمه كانت اكبر من اننا انطق حتى وفي لمح البصر بلعت دموع عيني( كنايه عن اننا امتصيت غضبي وبلعت مشاعري ومش بينتها ) وعملت نفسي ببتسم بجد والله سلمى طيب يا سيدي ربنا يوفقكم يا رب وسلمى طيبه وكويسه ما تخافش ان شاء الله خير وفي خمس ثواني كنت قايمه قلتله معلش بقى علشان الحق اشوف الدكتور هيدخلني المحاضره والا لاء عموما ما تقلقش هوا خير ان شاء الله
وبوشي على بيتنا ما كملتش اليوم خالص وروحت بيتنا من الكليه لبيتنا مشي وافكار توديني وافكار تجيبني 3 ساعات مشي لحد ما وصلت بيتنا ولا انا حسه برجلي ولا الشارع ولا الناس من حواليا
ماما بقى : غريبه مش عوايدك يعني جيتي بدري قوي النهارده
رديت : لاء ما فيش حسيت اننا مصدعه بس وما قدرتش اكمل النهارده
وخشيت القوضه وقفلت ورايا واول ما سكيت باب قوضتي عليا كتمت الآآآآآآآه اللي جوا قلبي بالعافيه وقلت استهدي بالله واتوضيت وصليت الضهر ودعيت ربنا يقويني على الموقف ده وقعدت على سريري وهي القاعده
لغاية الفجر من غير لا غدا ولا عشا على كوباية الشاي اياها وكل شويه اختي الصغيره مش عايزه تاكلي ماما تعالي شوفي غرام مالها يا ماما مااااااااااااما يا ماما الله تيجي ماما في ايه والله ابدا البت دي عبيطه والنبي يا ماما انا مصدعه ابعدي البت دي عني دلوقتي انا هنام شويه

وطلع عليا النهار وانا صاحيه وعلى قعدتي هقوم البس بقى علشان انزل الكليه وبفتح باب قوضتي صباح الخير
بابا : صباح الفل
وشك اصفر ليه بابا بيسألني لاء ابدا هوا شويه صداع بس من مبارح ماسكني نزل بابا الشغل وحالا خلاص هنزل وراه وببوس امي وفجأة ما حستش بحاجه ولا الدنيا من حواليا
بفتح عنيا لقيت امي جمبي وبابا جمبي وخالتي ليلى وفاطمة وعمتي عيشة وعمي علي كل دول في الاوضه بيعملوا ايه اكونشي مت انا مت واللا ايه
لا اله الا الله تؤتؤتؤ انتي بتخرفي واللا ايه انا اهو وعنيا مفتوحه
ماما : صحيتي
اتلموا حواليه كلهم بقى بقولهم هوا في ايه قالتلي ماما انتي وقعتي النهارده الصبح من طولك ده اخرة اهمالك في نفسك كلي يا اماني كلت في الجامعه تعالي اتعشي يا غرام مش بتعشى علشان ما اتخنش
يا ماما مش وقته أأأأأأخ يا دماغي انا دماغي بتوجعني اوي هوا الدكتور قالكم مالي في ايه
قال لاء شويه هبوط وارهاق عام
هوا مين ده اللي واقف بعيد ده
قرب يا محمد ماما بتنده
محمد مين ؟
عمتي عيشه وهي تكتم غيظها مني ده ابن عمتك
محمممممممممممد يااااه ما شفتكش من ايام ثانوي
ايه يا بنتي مالك خضونا عليكي من صباحية ربنا عمر الشقي بقي
بقى ينفع كده والنبي اللي بتعمليه في روحك ده ارحمي نفسك مزاكره بقى
يلله معلش يا حماده هعمل ايه تلاقيه من السهر طول الليل بس مبسوطه جدا اننا شفتك
قالي حمد الله على سلامتك
قلتله الله يسلمك
فضلت في البيت يومين ده غير اليوم اللي طنشته والأفكار تجيبني وتوديني
سلمى بقى انا كل ده وفكراه ميال ليه وهوا عينه من سلمى يلله اللي مالوش حظ لا يتعب ولا يشقى
هوا انا منحوسه من يومي يلله معلش بكرة تروق وتحلى
وخلال اليومين دول طبعاكلمتني سلمى كزا مره وقلتلها على اللي حصل وكده واننا تعبانه وهاجي بعد بكره والكلام ده وفي نيتي ان الكلام يوصل لأمجد علشان ما يفتكر اننا طنشته


حصل ايه تانــــي هتعرفوه بقى في الحلقه الجايه ان شاء الله

تاني يوم خدت اجازة طبعا قمت الصبح رايقة ومش زعلانه وفتحت شبابيك البيت كلها وعملت فطار لبابا وماما واختي الصغيره وصحيتهم الساعه 6 وفطرنا وكان الجو جميل جدا مش برد وكنت صحيت وفوقت وقررت اننا هفاتح سلمى صحبتي بأعجاب امجد ليها وقعدت افكر في الأسلوب المناسب لسلمى انا عرفاها حنبليه وممكن تديني روسيه في موضوع زي ده عموما فطرتهم وروقت البيت وسربتهم ههههههههههههه حلوه سربتهم دي لاء مش سربتهم اقصد كل واحد راح شغله ومدرسته وفضلت لوحدي في البيت الغريب في الموضوع ان من الساعه 9 الصبح والتليفون كل دقيقتين يرن اقول الو ما حدش يرد النهارده يوم غريب
ترن ترن ( جرس التليفون )
انا : الو
الو
انا : مين
ازيك يبت عمتي
انا : الحمد لله مين ( ولاد عمتي كتير )
قالي انا محمد عامله ايه النهارده
انا كويسه الحمد لله عمتي عامله ايه كويسه
محمد : الحمد لله
انا مستغربه : معلش افتكرت فيه حاجه مش بالعاده بتتكلم في وقت بدري كده
محمد : معلش اصلي قلت اكلمك من الشغل اطمن عليكي انتي كويسه
انا : الحمد لله احسن ما تقلقش نفسك محمد هوا انت اللي كل شويه ترن وتقفل
قالي لاء انا اول مره اهو حالا بتصل
انا : غريبه اصل التليفون كل شويه يرن لحد ما قرفت
قالي هبقى اقول لخالي يركبلكم خدمة مظهر الرقم
انا : طيب ( في المشمش )
محمد : طيب انا هبقى اجي بعد الظهر اسلم على خالي واطمن عليكي بقى
انا : لاء ما تتعبش نفسك انا بقيت احسن
محمد : قالي يا بخيله هي كوباية شاي مش تقلقي
انا : لاء ازاي يا محمد اهلا بيك في اي وقت
محمد : اجيبلك معايا حاجه
انا : وانا بضحك اوك ما فيش مانع في حبة شوكولاته معاك وانت جي
محمد : طيب سلام بقى لان مدير القسم جه نتقابل الظهر
انا : اوك سلام
انتهت المكالمه وعادي جدا عندنا ضيوف بعد الظهر يعني مش هعرف اكلم سلمى اول ما ترجع من الجامعه خلاص نأجلها لبليل حتى اكون مخمخت وفكرت هقولها ايه
طيب انا هقولها ازاي
أمجد اختار الحد الغلط قلت انا هفاتحها زي ما هوا فاتحني وخلاص وهمشي الموضوع وبشويش بشويش ولو ما عرفتش بقى ما باليد حيله هبقى عملت اللي عليه دخلت نمت شوية وريحت جسمي وبعد كده قمت الساعه 2 ونص وابتديت اسخن الغدا اللي عملاه ماما في التلاجه وعملت سلاطة وشوربة ويا دوب خلصت جه بابا وماما والبت اختي
اتغدينا وقلتلهم ان محمد جي بعد الظهر ويا دوب خلصت الكلمة وجرس الباب بيرن فتحتله الباب قلتله اتفضل معانا انا لسه مسخنه الاكل اكيد جي من الشغل تعبان وجعان دخل ومعاه علبة شكولا كامله قعدت اضحك قلتله يخبببببببببر انا قلتلك حبه واحده جيبتلي المحل كله قلي ما فيش حاجه تغلى عليكي وقعد معانا اتغدى وشرب الشاي وفضلنا للساعه خمسه نتكلم ونهزر وقالي بيشتغل فين واخباره وبعدين مشي كانت قاعدة ظريفه والله
المهم بقى وسبحان الله وكأن توارد خواطر بيني وبين سلمى والاقي تليفون البيت بيرن وبابا بيقولي ارفعي السماعة صحبتك سلمى
لسه يا دوب بكلمها بقولها بنت حلال يا سلمى كنت لسه هكلمك سألتني عامله ايه وبقيت كويسه واللا لاء قلتلها الحمد لله خلاص جيه بكره ان شاء الله
قالتلي اه والنبي انا محتجالك انا عايزه اتكلم معاكي ضروري انا وانا
قلقت ونسيت اساسا هقولها ايه بقولها سلمى في ايه
بتقولي I am in love
وات what هههههههههههههه
من ورايا يبنت الذين
بيني وبين نفسي :
اكيد امجد قالها اما شفني ما فتحتهاش ولا قلتلها حاجه الحمد لله رب العالمين اما الواد ده فظيع فظاعة الحمد لله حمل وانزاح من على قلبي كنت خايفه ومش عارفه افاتحها ازاي
بقولها يبخته يا ستي واهو خلاص وهنفرح بيكي وبتاع
بتقولي بس هوا ما يعرفش
قلتلها: ايه مش فاهمه يعني ايه ما يعرفش
قالتلي: انا بحبه بس هوا مش واخد باله مني
ضحكت قلتلها وهوا كمان بيحبك يا ستي
قالتلي انتي بتتكلمي عن مين وعرفتي منين انه بيحبني
قلتلها وانا ضاربه لخمة لاء بس كده اتوقعت ان امجد بيحبك
قالتلي امجد ومين جاب سيرة امجد دلوقتي
وانا مصعوقة : اومال بتحبي مين؟
انا بحب محمود صاحبه بعشقه يا اماني مش متخيله يوم ما اشوفوش ولا اصبحش عليه ده انا بحبه بجد ومش عارفه اعمل ايه
اتلخمت وكل الكلام طـــار
سلمى : الو
انا : ايوه يا عمري معاكي معاكي
طيب والعمل
سلمى مش عارفه يا غرام هموت لو مش عرف اللي في قلبي اتجاهه انا امنية حياتي بس انه يعرف اللي في قلبي ناحيته ده انا بموت فيه بجد يا غرام
بقولها هوا ان شاء الله خير ما تقلقيش انتي بس واصبري كده وما تخديش قرارات وانتي منفعله
قفلت مع سلمى الخط هي مالها كده متلعبكة حلها يا حلال هوا عموما ما افيش اسلم من اننا اقول لأمجد انها مرتبطه بحد يقوم هوا يلغي الفكره من دماغة ونمت وانا مقرره القرار الخطير ده
تاني يوم لبست وطلعت بدري الجامعه وكنت متلهفه جدا دول يومين بحالهم ما شفتش فيهم سلمى وهبه وامجد ومحمود ومصطفى وعمر والاء زمايلي وصحابي في الجامعه واستنتهم في مكاني المعتاد والغريب في الموضوع اننا لقيت وردة مطرح ما بقعد كل يوم في نفس المكان ما اخدتش في بالي وقلت يمكن وقعت من حد
جم بقى وصبحت على الجميع وبوست البنات كانوا وحشني جدا واطمنوا عليا وخمسه كده وجه امجد ناحيتنا ازييييييييييك وحشتينا الف سلامة عليكي ايه اللي حصل لده كله قلتله ابدا هوا من السهر والمزاكره بس تعالوا نروح نشرب كبتشينو في الكافتيريا نلحق مكان قبل ما يتزحم
ومشينا جميعا الى الكفيتيريا علشان نشرب قهوة ونصحصح لقيت امجد قرب مني بيقولي عايزك ينفع نتكلم بعد المحاضره الثانيه انا ما وراييش حاجه قلتله استناني هشوف ظروفي ايه عموما هحاول
وفعلا خرجتله بعد المحاضره التانيه لقيته بيستناني في مكاني اللي بقعد فيه دايما من اول يوم ليا في الجامعة
قعدت جمبه وبقله ها ايوه يا باشاا
بيقلي: قالي انا عايزك في موضوعين الاتنين اهم من بعض الاول وانتي عرفاه
سكت
قالي : قولتي لسلمى اي حاجه واللا ما نفعش
رديت بصوت واطي : بصراحه ما قلتلهاش بس معايا سببي بصراحه هي مرتبطه بحد وانا ما كنتش اعرف بصراحه بس اما قالتلي قلت خلاص ما ينفعش بقى حتى المحلها بصراحه (3 بصراحات في جملة واحده )
سكت شويه
قالي : مرتبطه واللا بتحب حد تاني
قلتله : لاء هي بتحب حد ومستنيه بس تعرف مشاعره من ناحيتها وكده
قاللي : ربنا يوفقها هي تستاهل كل خير
كنت بسترق النظرات الحزينه في عنيه وببصله من طرف عيني نظرات الحائره الحزينه هوا دلوقتي في نفس موقفي اللي كنت فيه من يومين واتمنى انه يكون قوي ويتفهم

كملت بقى: بقوله ها والموضوع التاني بقى قول اعترف
قالي كنت عايز اكلمك عن نفسك
رديت قلتله ازاي
قالي مش احنا اخوات واصدقاء يعني مش قوي بس انا بثق فيكي والعشم انك كمان بتثقي فيا
قلتله طبعا
قالي يعني عايز اعرف رأيك في حد
قلتله حد
قالي اه وبصراحه اكتر هوا كان واثق فيا اننا هعرف اقنعك بيه وانتم الاتنين شبه بعض قوي طيبين وهوا وسطني اعرف رأيك فيه بصراحه هوا معجب بيكي جدا وحابب يتعرف عليكي اكتر
بقله انا
بيقولي ايوه
بقوله وده مين ان شاء الله
قالي محمود
انا : محموووووووووووووووووووووووود
لاء طبــــــــــــعا
وقمت واقفه على حيلي
امجد : وقف وقالي مالك في ايه ؟
انا : قلتله ما ينفعش طبعا
قالي انتي مرتبطه ؟
قلتله : ايوه اقصد لاء
معلش اوك طيب ثواني واللا اقولك باااااي دلوقتي
امجد : غرام
ياغرام في ايه
معلش يا امجد اشوفك بكره بقى
ومشيت من قدامه فورا وميت مليون سؤال بيخبطوا في دماغي
لاء كده كتير والموضوع بقى خارج عن تحكمي فيه هوا في ايه انا ما بقتش فاهمه حاجه والأمور بقت معقده جدا وخارجه عن ارادتي وسيطرتي

حصل معاكي ايه يا غرام وهتتصرفي في موضوع زي ده ازاي وهتعرفي تتصرفي واللا لاء هتعرفوا ان شاء الله تعالى في الجزء الجديد
سلامو عليكم

فظيعه جداا
وعجبتنى
ياريت تكملى باقى الحلقات

اوكىىىى انا ما اقدرش اتاخر يا دودو

والحمد لله انها عجبتكم

ماذا افعل والى اي حد تشاء الأقدار ان اقع في مثل هذا المطب فلست بالفتاة التي تسعد بتعاسة الآخرين وكيف تشاء الظروف ان تحدث كل هذه اللعبكات والمشكلات في وقت واحد


يا لها من دوامة واي دوامة فلا اريد ان يخسر الصديقان بعضهما ولا اريد ان اخسر انا صديقتي ولست بذات الخبرة الكافية لكي اجد حلا لمثل هذا الحدث فأنا وكما اسلفت لست ذات خبرة ابدا بمثل هذه المواقف وان كنت عشت حياة خاصة بي في خيالي ولكنها لا تساوي في واقع الحياة شيء ولا تحسب لي تعلما وخبرة لحل مشكلة كتلك

وكيف اتصرف ؟ وكيف لي ان اخبر امجد بحب سلمى لمحمود صديقة الحميم وهوا يحبني هل اكون انانية واحافظ على صديقتي الى النهايه ؟ ام انها ليست بانانية ؟ لا ادري كم كنت اتمنى ان اكون اكثر نضجا لكي استطيع ان احل مثل هذه المشكله التي لا حل لها

نكمل بقى .................
رجعت بيتنا اليوم ده وكل التساؤلات دي شغاله في دماغي وعلى قوضتي عدل وقلت لماما اننا تعبانه ومحتاجه انام علشان اصحى اذاكر بالليل وما تخليش نورا اختي ترخم عليا وتزعجني ودخلت صومعتي الحربيه وعلى تفكير طول اليوم هقول ايه لأمجد ومشيت من قدامه بالطريقة دي ليه وهقول لسلمى تتصرف ازاي وهعمل ايه

خدت الموضوع من اوله خالص وبفكر وبقول لنفسي اذاي ادخل نفسي في متاهات اعجاب وحب وغرام وانا لسه طالبه والطريق قدامي طويل مش انا بس انا ده انا وسلمى كمان وهناخد من ده كله دلوقتي ايه ولا انا ولا هي هنقدر نرتبط بيهم اساسا وهما طلاب ولا اهلنا ولا اهلهم هيقدروا يوفقوا على حاجه زي دي واحنا لسه يا دوب بنبتدي نخطي خطوات جديده في حياتنا


لازم اقرر اننا ما ادخلش في متاهات الحب والاعجاب دي وانا طالبه جامعيه لا لسه ليه مستقبل ولا اللي معايا لسه باين ليهم مستقبل فبالتالي هقرر ان كلهم بالنسبه ليه يكونوا اخواتي وصحابي واننا لو اعجبت بحد واستمر الحب ده لحد ما نتخرج وربنا رايد ان الموضوع يتم قبل او بعد هيتم او مش هيتم هيكون تدبير من رب العالمين و بلاش استعجال للأمور وبلاش ابص لكل مواضيعي من منظور البت النونو الرومانسيه واتصرف بطريقة عشوائيه انا دلوقتي بنت جامعيه قد الدنيا لازم احسب خطواتي اكتر من كده واي افكار مالهاش لزمة دلوقتي الغيها من حياتي نهائي

هوا انا بتفلسف واللا ايه انتي واخده الامور بعصبيه وجدية كده ليه ؟ ( بكلم نفسي )

لاء مش عصبية ده واقع ولازم افكر فيه بالطريقة دي علشان ما يجيش اليوم اللي اندم فيه بعد كده

اول خطوة لازم اخدها اننا اواجه امجد بالحقيقة دي واكلمة عنها وهشوف ردة فعله هتبقى ايه واقرر ان بالأضافه لده اننا هقوله ان الحب الصح لازم يكون مبني على عقل ووقت كافي وكمان لازم يكونله نهايه حتميه وواضحه وده اللي بتسعاله اي بنت محترمه وواضحه بس احنا دلوقتي زملا واخوات وده احسن بكتيييييييييييير من ان حجات تانيه وعواطف حب تجمعنا ويمكن بكره تخرب الصداقه دي والاحترام ده لانها مش مبنيه على نضج كفاية

وهشغل وقتي في مسرح الجامعه والندوات والنشاطات اللي بتحصل كل يوم في الجامعه واشتغل اننا اطور من عقليتي وفكري ونظرتي للأمور واثقف نفسي علشان اما آجي أخد اي قرار في حياتي اقدر اخده وما اقعش في حيره وعدم ثقه زي ما حصل في الموضوع ده وقررت اننا ما اعزلش نفسي عن حد واندمج مع مجتمع الجامعة اكتر في ايجابياته ومشاكله وكمان سلبياته واحاول اصلح منها واعمل لنفسي طريق واضح واكون حاجه الجميع يفخر بيها ويحترمها


تاني يوم في الجامعة روحت كالعادة الصبح ورحت لمكاني ولقيت وردة يادي الورد اللي بيقع من الناس اليومين دول

انا مصدعه خالص يارب والنبي يارب قويني وخليني قد اننا اقول الكلام ده لأمجد واواجه بيه سلمى كمان يمكن تقتنع وتأجل موضوع اعجابها ده بمحمود يارب ساعدني يارب

سلمى جات بوستها وقعدتها جمبي وابتديت اسألها ها اخبارك عامله ايه وايه آخر اخبار الحب المجهول اياه بتقولي مش عارفه بس انا بجد ما بقتش عارفه اعمل ايه حساه بعيد قوي عني بحاول الفت انتباهه ليا بالعافيه وهوا بيعاملني زي ما اكون اخته بنت عمته مش باصصلي بصة الحبيب لحبيبته

قلتلها معلش يا سلمى ما تنسيش انه ممكن يكون مرتبط او مش واخد باله منك او مش مفكر في الموضوع ده يعني

قالتلي والعمل فكرك

قلتلها لو قلتلك هتزعلي وتقوليلي لاء

لاء والله بس قوليلي اعمل ايه

قلتلها يا سلمى صدقيني احنا لسه يا دوب بنبتدي حياة جديده مش زي محمود سنة تالته عقله اكيد مشغول بحجات اهم بكتير من انه يدور على بنت يحبها هيتخرج ازاي وبعد كده لازم يشتغل ويثبت ذاته واكيد دي حجات مهمه لو حققها هيعرف يفكر في حته تانيه خاصه بالحب والارتباط انتي مش شايفه ان المفروض نركز في حجات اهم من دي دلوقتي و واحده واحده ابتديت اقلها على وجهة نظري ونتناقش واقلها في رأيي وتقلي وجهة نظرها لحد ما حستها ابتدت تقتنع ولكن مش بشكل كلي ولحد ما طلعنا المدرج وكان امجد لسه ما جاش وهوا مش كعادته اول واحد بيبقى في الجامعه يارب اجعله خير هوا انا ناقصة قلق فوق قلقي بس اهو وسلمى وابتدت تقتنع فاضل امجد وبالنسه ليه امجد مهم عن سلمى لان سلمى ما تعرفش اي حاجه وامجد يعرف موضوع سلمى وموضوع اعجاب محمود بيه كمان

وتخلص المحاضرات واخرج بره رحت الكافتيريا ما لقتش حد لفيت من ورا لقيت محمود مشيت ما رحتلوش قلت ما احبش يبان على وشي ردة فعل معينه مش حلوه تجرحه وانا مش بحب اجرح حد قلت يبقى امجد موجود انا هروح لسلمى وارجع تاني يكون امجد جه وفعلا رجعت وما لقتش حد كان امجد ومحمود مشيوا باين ان امجد زعل مني علشان مشيت وسيبته بأسلوب مش ظريف يادي الوقعه السوده وبكره الجمعة وبعده السبت هفضل للحد ما اقلوش على قراري انا عايزه اخلص بقى من الموقف ده
ويا دوب خلاص بسلم على سلمى وبقطع الشارع علشان اوقف الميني باص لقيت امجد جه ناحيتي و قالي معلش انا جيت الصبح النهرده وما رضتش اقرب لما لقيت سلمى جمبك وبتتكلموا قلت علشان ما اتسببلكمش في احراج

قلتله لاء ابدا قالي بجد انا من مبارح قلقان عليكي جدا ومحتار ينفع نروح حتة نتكلم

انا : تعالى نرجع الجامعه نتكلم هناك

وقطعنا الشارع ودخلنا الجامعه تاني وقعدنا

قالي غرام انتي مبارح كنتي غريبه جدا هوا انتي مرتبطة بحد انا بس محتار اقول لمحمود ايه

قلتله بص يا امجد والله مش موضوع مرتبطه هوا بس مجرد اتاخدت فجه التصرف بردة فعل عكسيه يمكن انا ليه طريقة تفكير مختلفه واحب تعرفها وابتديت اكلمه عن القرار اللي خدته وبكلمة بالمنطق وطلبت منه يوصل الفكره دي لمحمود وانه لسه بدري اما نفكر في موضوع زي ده واحنا طلبه و و و و و فهمته اننا يمكن بطريقة تفكيري دي ما اعشش زي كتير بنات بتحب وبتعمل علاقات في الجامعه وبتحب مره واتنين لكن انا
مبسوطة بنفسي جدا ووثقه في قراري ومعجبة بطريقة تفكيري دي وحباها وان سلمى بتفكر بنفس اسلوبي وان ياريت لا انت ولا محمود تزعلوا مننا او تفتكروا ده تكبر او عدم اكتراث بمشاعركم واننا نسيب المواضيع دي للقدر يتصرف فيها

وسلمت عليه وقمت وانا مش عارفه ردة فعل كلامي ده عليه هيكون ازاي ولا مشاعره عامله ازاي وهل كلامي هيكون خطوة تبعدنا خالص الشلة دي كلها عن بعض واللا هنبتدي صفحة جديده كلها احترام وحب صافي واللا هنبعد عن بعض وكل واحد يتحرج يوجه للتاني اي كلمة تفكره بأي موقف معين حصل او لسه هيحصل الله اعلم

هيحصل ايه وهيبقى الموقف بين الاصدقاء دول ايه وهيحصل جديد في حياة غرام ايه هتعرفوا الحلقة الجــاية ان شاء الله

قاعدة بتكلم انا وسلمى جوه الجامعة قبل المحاضره وبنضحك ومبسوطين

سلمى : ايه ده غرام الحقي

انا : في ايه

سلمى : بصي وراكي وبتضحك هههههههههههههههههههههه

انا : بصيت ها يخببببببببببببببببببببببببببببر

ايه ده امجد على فرس لونه اسمر ولابس ابيض في ابيض وداخل الجامعة بسرعه وبيجري بالفرس ومحدش عارف يوقفه

امجججججججججد بندهله ( يا لهوي فارس قد الدنيا يا خرابي )

يلف بوشه ليا ويرجع وجري بالحصان

امجد : بدور عليكي بقالي سنين

انا : سنين احنا لسه سيبين بعض مبارح

امجد : بحبك من اول يوم شفتك فيه وبكدب على روحي

انا : انا امجد هوا في ايه

امجد : قدرت اداري واخبي على كل الناس واكدب عليهم عن حبي لكن اللا انتي مش قادر اخبي مشاعري اكتر من كده عنك
صدقيني انتي وبس اللي قلبي معاها وروحي فداها ومستعد اتحدى العالم كله علشان خاطرها

انا : انا

امجد : بحبك يا غرام بحب كل حاجه فيكي طيبتك وعفويتك وقلبك الكبير وكل اللي بطلبه من ربنا يساعدني اننا احققلك كل اللي بتتمنيه

انا : وانا كمان يا امجد بحبك جدا وكنت مستنيه الوقت اللي هتعرف فيه مشاعري دي امجد انا دوست كتير على مشاعري واتحملت فوق طاقتي علشان ما اجرحكش ولا اجرح سلمى امجد لو انت بتعمل كده علشان تنتقم من سلمى بيا انا ما انفعش
ومن غير ما اكمل الكلمه قالي
لالالالالالالالاء ما تقوليش كده ابدا انا عمري ما اخترت سلمى انتي اللي قلبي راح ليها من اول يوم شفتها فيه

انا اسعد واحد في العالم النهارده انا اتولدت من جديد اللي اخترها قلبي بتحبني زي ما بحبها

انا ونظرات الخجل على وشي مش عارفه انطق بيها : بحبك يا امجد

امجد : يرفعني جمبيه على الفرس الأسمر وفجأة يبقى لونه ابيض ويجري بيا في الجامعة كلها ويصرخ بأعلى صوت بحببببببببببببببببببببببببببببك يا غرام
بحبببببببببببببببببببببببببببببببببببببببببببببببب بببببببببك
وانا مبسوطة وسعيده وبضحك في بالي بقول الله ياريتني افضل في اللحظه دي طول حياتي وافتكرت حتة من فيلم احلام عمرنا اما منى زكي بتركب الفرس ورا مصطفى شعبان وبتفتح ايديها للدنيا سعيده ومبسوطه وقلت اقلدها وفعلا فتحت ايديا مبسوطه وسعيده واقوم قالبه على ظهري أخخخخخخ


بسم الله الرحمن الرحيم خير اللهم اجعله خير

ايه ده انا كنت بحلم واللا ايه هي الساعه كام يالهوووووووووووووووي الساعه 8 ونص
يا بابا يا ماماااااااااااااا قوموااااااااا اتأخرنا اتأخرنا

كل البيت صحي على صوتي في ايه في ايه

البسوا بسرعة اتأخرنا اتأخرنا

اتأخرنا عن ايه يا بنتي : بابا ويا عيني مش عارف هوا في ايه

الشغل والجامعة وال ما كملتش هوا النهارده ايه

الجمعة يختي : نورا اختي
حتى يوم الجمعة مش سيبانا في حالنا اهدي بقى

انا : اخرسي يبت الحق عليا اللي خايفه عليكم

بابا : هروح اريح لحد موعد صلاة الجمعة

نورا : وانا كمان هروح انام

ماما : خلاص ما بقاش في نوم طار


انا وانا مكسوفة من روحي : ماما تشربي فنجان قهوه معايا طالما صحيتي وصحيت

قالتلي : ما بتعرفيش تعملي قهوة انا هعملها

انا : ( كسفتني ) يللا معلش اوك يا ماما تسلم ايديكي يا حببتي

انا وماما قعدنا وشربنا القهوة الصباحيه وماما كالعادة استجواب كل يوم حصل معاكي ايه الاسبوع اللي فات واخبار فلانه ايه وعلانه ايه وقلتلها اللي عايزه اقولهولها طبعا بس مش اكتر وقعدت اخد رأيها في موضوع نشاط الجامعه وقالتلي ما فيش مانع طالما مش هيأثر على مذاكرتك وخدت رأيها اخش ايه قالتلي انتي بتحبي الحاجات اللي ليها دعوة بالأدب قلتلها وانا كمان بقول كده بس اشترطت عليا اننا اكون متابعة فقط اي شغل او كده لاء لانه بيتأخروا لبليل قوي فخليني متابعة فقط اي ندوة ثقافيه او ادبيه اي مسرحيه اي اي اتابع من بعيد لبعيد

وخدت الموافقه من ماما عن موضوع نشاط الجامعة والحمد لله دلوقتي لازم انسى الأحلام دي واركز شويه ده انتي لسه مدية روحك درس اذاي تبتدي حياة جديده وانتهينا من الاحلام دي اعملي مرة واحده بالحاجه اللي بتقوليها

جه يوم الاحد وكنت مش متشجعة اروح الجامعه وخايفه من ردة فعل امجد ومحمود مع اني واثقه اننا هبتدي مرحله جديده في حياتي ورحت مكاني المفضل وما لقتش الورده اياها بتاعت كل يوم مسكت مرجع وقعدت اراجع وازاكر شويه وبعد كده قلت اروح عند قاعة الندوات والمؤتمرات اللي بيعملوا فيها كل اسبوع ندوة لشخصيه عامه او لدكتور من دكاترتنا بيتكلم عن موضوع محدد كل اسبوع واهو هقوم فوجئت بمحمود جي والشرار بيطلع من عنيه وفي ايده الورده اللي ما لقتهاش مكان ما بقعد وفجأة ابتدى يزعق فيا

انتي فكره نفسك ايه انتي حيالله بنت عاديه ما ابصلهاش اساسا احمدي ربنا اننا عبرتك انت يا حشرة ترفضيني انا انتي وانتي وانتي وتك تك تك تك ما بقتش مصدقه نفسي وبلمت الطلبة اتلمت حوالينا وانا وكأني بلعت لساني ولا كلمة وهو نازل فيا تهزيء وشتيمه

وجاتلي القوة والشجاعة وقلتله على فكره انت انسان مش متحضر انت مش محترم هوا بالعافيه يا اخي ايه السخافه دي انت احقر حد ممكن اقابله ومش هنزل مستوايا اننا اتناقش معاك وبمشي واسيبه مسكني من دراعي وبعبارات التهديد ان ما وريتك يا ست الحسن والجمال ان وان وان قلتله اعلى ما في خيلك اركبة وانا ماشيه من هنا على العميد فورا وقبل ما اكمل الجمله كان جه امجد ورن محمود حتة علقة ما ياخدهاش حمار في مطلع يالهوووووووي الحقونا يا عالم

محمود :بقى بتضربني علشان واحده زي دي

امجد : واكسر دماغك انت ما بتفهمش يا بني انا قلتلك ان البت دي مش من اياهم محموء ليه علشان قالتلك لاء يا اخي ملعون ابو اللي يصاحبك والناس بتبعد بينهم وانا السبب والأمن يجي وكلنا على العميد


سلمى : غرام غرام

انا : وعنيا مليانه دموع

سلمى : في ايه بسم الله الرحمن الرحيم مالك

انا : ولا حاجه تلاقيني بس كنت بفكر في حاجه ( عقلي الباطن بيرسم خيالات واحداث مش موجوده وانا شاعرة بالذمب وحسه اننا جرحتهم وخايفه من اليوم ده جدا كل ده علشان ما لقتش الورده اياها بتاعت كل يوم )

سلمى : في ايه خضتيني عليكي

انا : والله ابدا يلله نقوم المحاضره هتبتدي

خلص اليوم على خير ولا شفت محمود ولا شفت امجد ورحت انا وسلمى نشوف ندوة الاسبوع ده هيقدمها مين

سلمى بتقرأ اللي مكتوب على الأعلان : الأستاذ مأمون الباشا عنوان الندوة الأخلاقيات ومتغيرات العصر يوم الأثنين

انا : حلو العنوان ده بس يارب ما يكونش ممل وانام وانا بسمعله الندوة بكره فكرك هنلحق مكان

سلمى : الحجات دي محدش بيجيلها كتير ما تقلقيش غير العبط اللي زيي وزيك

انا : لمي نفسك ال عبط ال انتي ادرى بنفسك بس انا مش عبيطه ههههههههههه

وروحنا وما شفناش لا امجد ولا محمود ولا حتى واحنا مروحين الظاهر يا اما بيتجنبونا يا اما نهوا علاقة الصداقة اللي بينا
روحت وانا بحمد ربنا ان الموقف اللي حصل من محمود كان من خيالي ومش حقيقي انا لو اتعرضت لحاجه زي دي امووووت وان خيالي رسم حجات مش حقيقيه بس كنت قلقانه اننا ما شفتش امجد ولا محمود ولا كلمونا ولا صبحوا علينا زي ديما وخفت يكون اللي في عقلي الباطن تمهيد لحاجه تقيله جيه في السكة

روحت بيتنا ومشي اليوم على اسرع ما يكون على غدا ونوم ومزاكره وعادي

تاني يوم لبست وجري على الجامعة ودخلت الجامعه وانا في بالي ادور على البشاوات مش علشان حاجه بس علشان اعرف هما واخدين مننا موقف واللا ايه وروحت ناحية الكافتيريا ولقيت محمود بلعت ريقي وشديت حيلي وقررت اننا اروح اكلمه

انا : صباح الخير

محمود : صباح الفل ازيك

انا : ( صباح الفل خير خير )
كملت : اومال حضراتكم فين من مبارح ( ولا كأن في اي حاجه )

محمود ابدا مبارح ما كنش في محاضرات مهمه علشان كده انا ما جتش
انا : وامجد

قالي ما اعرفش هوا رنلي على الموبايل وقالي انه على البوابه

انا : طيب جميل نعرف منه بقى في ايه بص انا هروح اشوف سلمى زمانها جات وهجيبها واجي اوك

محمود : اوك يا قلبي

انا : قلبي ( لا لا لا لا لا ما اتفقناش على كده هوا امجد ما قالوش واللا ايه ما تخديش في بالك )
اوك محمود يلله موش هنتأخر

رحت وجيبت سلمى ورجعنا لقيت امجد جه ايه يبني فينك من امبارح بقى ينفع كده ده ما كانش عيش وكابتشينو

قالي انا جيت متأخر وكان عندي محاضرات لغاية الساعه 3

انا : طيب يا سيدي يالله ربنا معاك يا رب

ببص جمبي على سلمى لقيتها بتكلم محمود ومندمجه وعنيها بتلمع

انا : خبطتها في كتفها هاهاهاها يلله بقى علشان نلحق المحاضره ومن ايديها وهي تقولي استني ثواني ما يصحش

قلتلها : لاء يصح يلله باي باي يا شباب نشفكم بعد المحاضره الثالثه او هتلاقونا في ندوة الدوك مأمون اللي في تجارة انجلش

امجد ومحمود في نفس واحد : لاء ملناش في الحاجات دي بكرة بقىىى سلام

وخلص اليوم الطويل على خير والمليان محاضرات على تمت عينه

انا : يلله بقى

سلمى :انا هروح يا غرام تعبانه ما صدقت وخلصت المحاضرات هروح اسمع رغي والنبي اجليها الاسبوع الجاي

انا : يبنتي انا ماخده اذن للساعه خمسه هنروح يعني هنروح
سلمى : انا هقع من طولي من الجوع وهروح عايزه تروحي روحي لوحدك

انا : يا جبانه تصدقي النداله دي في الدم

سلمى : نداله نداله انا عايزه انام واااااااااكل اووووف

انا : يا مين يرحمني من لسانك امشي يابت انا كنت هعزمك على سوداني اما نخرج

سلمى : مش عايزه

انا : سلام وخليكي فاكره الموقف ده هااااااااااا

سلمى : سلام

انا ولأول مره هروح مكان زي ده لوحدي وهحضر ندوة للدكتور واللا الأستاذ ده ولا اعرفوش ولا اعرف طريقته انا لو زهقت همشي مش هطول واهو اروح اشوف لينا وعبير صديقات الماضي الفائت

دخلت القاعة الجو مش بطال ومش زحمة بينه واحد يا ممل يا حد متفلسف ما فيش ناس كتير جياله

الساعه بقت 3 وربع ولدلوقتي الندوة ما ابتدتش اولها كده ياسلاااااام ده بينه هيفضل يرغي ساعتين ولا هفهم حاجه ولا هوا اساسا فاهم حاجه وتلاقيه اساسا راجل قد والدي والا حتى جدي ينام ساعة ويفوق ساعه

ايه اللي عملته في روحي ده مليت وزهقت انا هقوم خلاص ويا دوب لسه بفكر لقيت اللي في القاعة بيسقفوا قمت حيلي وسقفت لقيت تلاته واقفين كل واحد من جيل غير التاني ده بينه العميد ومين ده الله اعلم بس ايه القمر ده اللي واقف في النص بسم الله ما شاء الله اكيد ده اللي على اليمين اللي هيتكلم

كلمة العميد كانت قصيرة ومش ممله ده العميد برده والآن مع ندوتنا لهذا الاسبوع مع المعيد الأستاذ مأمون الباشا والحاصل على شهادة الماجيستير في العلوم الانسانيه فليتفضل

واللي في القاعة كلهم بيسقفوله

انا : سقفت معاهم ( ده هوا الشاب اللي في النص هوا انت بقى مأمون الباشا ده معيد مش دكتور اهاااا طيب اما نشوف هيقول ايه )

وابتدا مستر مأمون الكلام عن الأخلاقيات ومتغيرات العصر والعولمة والنت والموبايل وما خلاش حاجه اللا جاب سيرتها وعلاقتها بالأخلاقيات واتكلم عن شبابنا وبناتنا وليه بقينا كده وليه بقت مجتمعاتنا كده والمخدرات والعلاقات المحرمة و و و و .... وانا قاعدة مسعوقة بستمع بكل لهفة واصغاء وانا فين من ده كله كل دي سلبيات في مجتمعنا وانا اللي فكرت ان كل الناس ملايكة و محدش بيعرف يغضب ربنا في الدنيا دي

قد ايه كلامه مشوق واسلوبه في طرح المواضيع مريح ده لقطة ده انا ما شفتش كده اول حد اشوفه بيتكلم كده وصغير في السن وعقله متفتح وكبير انا بعد كده مش هفوتله ولا اي ندوة وقاعدة ووشي زي الطمطماية احمر وعنيا بتلمع وبستمع بكل لهفة وشغف للأستاذ الصغير


حصل ايه تاني مع غرام هتعرفوووووا بس مش النهارده


ملاحظة : الكلام بين قوسين كلام بين غرام ونفسها


-----------------------------------------------------

جميل يا سندريلا ومستنين الباقى

كملى يا سندريلا مستنين الباقى